Dunghlanz Yenveij、Yen Cwngfuj haenqrengz cukmaenh caeuq hwngfat gij sevei cujyi minzcuz gvanhaeh bingzdwngj、doxgiet、doxbang、huzndei neix, rengzrwd coicaenh gak minzcuz huzndei caemhyouq、doengzcaez hwng- fat, hawj Dunghlanz gwzming laujgih ndaej swnggaep baenz “singz iq vuen- yungz” ranghdieg Dahraemxhoengz.

Yawjnaek minzswngh, gaijndei saedceij vunzlai laujgih. Doengh bi neix daeuj, aen yienh neix dawz cienzngaenz cuengqhaeuj hanghmoeg saedceij vunzlai bae, gonqlaeng guh le Bazginz、Gozcingh、Dunghlij daengj vwnzva gvangjcangz, guh ndei giekdaej sezsih cungh siuj hagdangz, ra ngaenz bangbouj hong son’gyauq, hawj lwg- nyez ranz gungzhoj ndaej doegsaw caez; sinhnungzhoz guhfaenhlwd lienz- daemh haj bi baiz youq baihnaj Hozciz Si. Youq daengx gih sien ndaej saedyienh “mbanjmbanj doeng roen suijniz” moegbiu; guh ndei hong ranzhaz ranz gungzhoj gaij guh、dengcai dauq guh、ranzvaih boux youhfuj gaijguh baenz 2 fanh ranz, hawj vunzlai habhoz habsim.

Haenqrengz gunggeng, coicaenh laujgih huzndei hwngfat. Aen yienh neix gyarengz hwngfat hongsaeh saek- heu ruzgungz, cobouh guhbaenz “seizdinj ndaej demsou, seiznanz ndaej baenz fouq” 10 daih hongsaeh ruz- gungz, youq daengx yienh 147 aen hingzcwng cunh hengzguh aen hangh- moeg cizdij ginghci dajciengx gaeq- nohndaem; batgak、maklaeq、makcaz- youz、hojmaz、mouduenhndaem、bitraiz、duzbya Dahraemxhoengz daengj hong- saeh daegsaek hwngfat hoenghhwd, “mbanjranz maklaeq Cungguek”“mbanjranz gaeqnohndaem Cungguek” mingzdaeuz cienz doh gwnzbiengz.

Minzcuz doxgiet, “sam aen liz mbouj ndaej” vunzvunz roxyiuj. Aen yienh neix haenqrengz guh ndei minzcuz doxgiet cinbu senhconz gyauyuz, gangj ndei gij gojgaeq minzcuz doxgiet, cauxbanh le lanzmoeg densi Vahcuengh, moix aen singgeiz boq- cuengq 《Saehmoq Vahcuengh Dungh- lanz》《Comzlwnh Gojgaeq Vahcuengh Dunghlanz》《Vahcuengh Lwnh Dungh- lanz》 daengj cietmoeg, aeu Fwen- cuengh、siujbinj、siengswngh daengj hingzsik, baijyienh gij yienghndei cingsaenz Bouxcuengh Dunghlanz, vunzlai cungj gig haengjgyaez; moix bi cungj cujciz guh aen hozdung “ ndwen senhconz minzcuz doxgiet cinbu”, “seizdaih moq fwen Guengjsae Gyangj- sizsoj” youq Gamj Lezningz venjbaiz gangjlwnh. Roengzngaenz coih ndei dieggoek son’gyauq saeknding nyuenz miz haenx, hwnj moq le Veiz Bazginz Ginen’gvanj caeuq diegsuen vwnzva yinghyungz Mbanjcuengh, baenz le “dieggoek son’gyauq minzcuz doxgiet cinbu daengx guek”.

(Veiz Swng’yang)