“W! Raeuz mbouj rox ngoenz- laeng baenzlawz.” Canghdeihleix naeuz.

“Gou lij miz duj va ndeu.”

“Raeuz mbouj geiq dujva.” Canghdeihleix naeuz.

“Vihmaz ne? Dujva de dwg gij doxgaiq ceiq gyaeundei gwnz singgiuz gou bw.”

“Aenvih dujva mingh dinj lai!”

“Mingh dinj gijmaz?”

“Sawdeihleix dwg saw youqgaenj! Sawdeihleix geiq gij saeh ceiq youq- gaenj de! Doenghgij saw neix daengz seizlawz cungj mbouj gvaqseiz nauq. Goengqbya mboujciengz lawh dieg, haij goj mboujciengz hawqro. Raeuz dwg geiq gij doxgaiq cungj mbouj bienq haenx!”

“Ndoifeiz ndaep liux lij dauqlix moq bw.” cabbak naeuz, “Mingh dinj dwg gijmaz?”

“Ndoifeiz caih de ndaep rox- naeuz lix, doiq raeuz daeuj gangj goj doxlumj ne.”Canghdeihleix naeuz, “Guhlawz de cungj dwg ndoibya. Ndoibya mbouj lawh dieg nauq.”

“Nyaenx, mingh dinj dwg gijmaz ne?” Lwgvuengziq cam baezmoq. De cam gijmaz le, langhnaeuz vunz mbouj han de, de cix cam goek cam rag.

“Eiqsei couhdwg gangj gij dox- gaiq de mbangjseiz gvaq yaep cix mbouj miz lo.”

“Yienghneix dujva gou caemh gvaq yaep cix mbouj raen loma?”

“Wgo!”

“Dujva gou mingh dinj.” Lwg- vuengziq vubvubvebveb gag naeuz, “De miz seiq saenj oen henhoh ndanggaeuq ndwi, gou lij ce de gag boux dog youq ranz ndwi.”

De ienqhoij lo, baezneix dwg de baez daih’it ienqhoij. Gvaq yaep he, de youh cingqhwnj moq.

“Mwngz naeuz gou bae gizlawz cunz lai ndei ne?” De cam naeuz.

“Bae yawj deihgiuz.” Cangh- deihleix han naeuz, “Mingzheiq de laux bw.”

Yienghneix Lwgvuengziq cix deuz lo, de doq byaij doq naemj dujva duh de.

（21）