●Ndwen 8 ngoenz 13, Fuz- suih Yen Sanhhih Cin Gunhlunz Cunh banh aen vanjvei vwnzyi ciendaez senhconz fapguek, gyoengq bouxyienj yungh gij biujyienj ndeiyawj caeuq gij cezmuz haeujgyawj saedceij vunz- lai haenx senhconz fapguek, hawj vunzlai lailai roxyiuj neiyungz fapguek. Vanjvei yienhciengz, bouxguhhong gungh fat fapguek senhconz swhliu、doxgaiq 300 lai faenh hawj gyoengq vunzlai.

(Moz Sinhhungz)

●Laizbinh Si Hinghbinh Gih hong ciubing seizcou bi 2018 cingq miz bouhloh haiguh, seizneix gungh miz 2531 boux doenggvaq gwnz muengx bauqmingz dangbing, miz 1404 boux bae daengz Aen Camh Dijgenj Ciubing Hinghbinh Gih guh dijgenj, soqvunz habgek miz 385 boux, ndawde daihagseng soqvunz 101 boux.

(Banz Sezboh)

●Vih gyagiengz caeuq ranz- gungzhoj doxgyau cingzgamj, daezsang lai roxyiuj cwngcwz, gyagiengz saenqsim vut gungz baenz miz, bineix doxdaeuj, Ginh- siu Yauzcuz Swciyen doenggvaq hailaeb dangjgo iq、dangzgoq gyang reih gyang naz、soengq heiq roengz mbanj daengj hingzsik haiguh gangj cwngcwz cinjcing banggungz bang bouxguhnaz leih bouxguhnaz fouq bouxguhnaz 600 lai ciengz- baez, 7000 lai ranz ranzgungzhoj camgya hagsib, cwgoemq cingzsoq daengz 80% doxhwnj.

(Cinz Haijcingh)

●Bineix doxdaeuj, Denh- ngoz Yen Luzbaiz Cin giethab gijndei swhyenz diegnamh mbanj- gungzhoj, gaenxmaenx sonyinx ranzgungzhoj dangdieg hwngfat ndaem byaekheu、ywdoj daengj banggungz daegsaek canjnieb, haenqrengz cuknet gij giekdaej vunzlai gungzhoj. Doengzseiz, giethab hawciengz aeuyungh, sonyinx aen giyez lingxdaeuz caeuq nungzhoh ciemdingh “gunghswh+gihdi+byauhcunjva+nungzhoh” dinghdan swnghcanj habdoengz, yungh gyaqcienz baujhoh roxnaeuz gyaqcienz sang gvaq hawciengz soucawx doxgaiq nungzhoh. Daengz seizneix, aen cin neix gungh ndaem ywdoj 810 moux, byaekheu 530 moux, ndaem raet 100 fanh gaiq.

(Denz Siyenj)