Geij bi neix daeuj, youq Swcigih Minzcunghveij、Swcigih Sinhvwnz Cuzbanj Gvangjdengiz、Swcigih Minzyijveij haeujcoengh lajde, Namzningz Si Vujmingz、Sanglinz、Lungzanh sam aen yienh gih Boux- cuengh comzyouq haenx cungj dawz densi cezmuz Vahcuengh dangguh aen binjbaiz vwnzva Bouxcuengh ndeu daeuj dajcauh, genhciz guh ndei hong gvangjbo yingjsi Vah- cuengh, fungfouq neiyungz cezmuz Vahcuengh, cezmuz Vahcuengh caetliengh mboujduenh daezswng.

Bi 2012, Vujmingz Gih daiq- daeuz youq daengx si hoizfuk haiboq gvangjbo densi cezmuz Vahcuengh, baenz diuz roen youqgaenj swnjcienz、hwngfat gij saehnieb vwnzva vah- gangj minzcuz caeuq hwngfat vwnzva daegsaek minzcuz. Seizneix, Vuj- mingz gvangjbo densidaiz lanzmoeg Vahcuengh gungh miz 《Saehmoq Mbanjcuengh》《Son Mwngz Hag Vahcuengh》《Fungcingz Mbanj- cuengh》《Vahcuengh Gangj Goj- gaeq》 4 aen lanzmoeg, neiyungz haeujgyawj gij saedsaeh dangdieg, hingzsik hab gij iugouz vunzlai, gij daegsaek deihfueng Bouxcuengh naekgywd ndaej daengz vunzlai haenh.

Bi 2015, Lungzanh Yen hoizfuk haiboq densi cezmuz saehmoq Vahcuengh. Lungzanh Yen Gvangjbo Densidaiz haibanh moq 《Saehmoq Vahcuengh Lungzanh》《Couhbau Saehmoq Youqgaenj》 2 aen lanz- moeg Vahcuengh.《1028 Lungzanh Vahcuengh Boqlwnh》《Yaem Naz》 gvangjbo cezmuz youq FM102.8 cunghab gvangjbo boqok. Seizneix, lanzmoeg densi Vahcuengh Lungzanh Yen cwgoemq 85% doxhwnj vunzlai Bouxcuengh、gvangjbo cezmuz Vahcuengh cwgoemq 90% doxhwnj vunzlai Bouxcuengh.

《Saehmoq Vahcuengh Sang- linz》 densi cezmuz Sanglinz Yen youq dingz boq 5 bi le, youq bi 2015 hoizfuk haiboq, lanzmoeg cwgoemq yienhsingz caeuq daengx yienh 11 aen yanghcin 998 aen mbanj. Linghvaih, Sanglinz Yen mboujduenh vatcimh gij cezmuz Vahcuengh gig miz daegsaek haenx, gyalai densi cezmuz Vahcuengh 《Gijgwn Ndei Mbanjcuengh》《Dwzcanj Sanglinz》《Fwen Yinx》, ndaej daengz beksingq Bouxcuengh haengjgyaez.

Bi 2016, youz gij ngaenzcienz hanghmoeg Namzningz Siveij Senh- conzbu haeujcoengh, Namzningz Si Minzveij、Si Vwnzsinhgvangjgiz、Si Minzyijveij doengzcaez cujciz haiguh “bak ciengz denyingj Vahcuengh haeuj lajmbanj” goeng’ik doxdoeng youq 12 aen yienh(gih)、60 aen segih、 mbanj yienh(gih) cuengqingj gak loih daezcaiz benq gojgaeq、benq gohgyau Vahcuengh gungh 100 ciengzbaez.(Veiz Yinjsenz)