“Mizyinx lai bw!” naeuz, “Boux canghdeihleix neix ak dahraix bw!” De yawjyawj seiqhenz aen singgiuz duh canghdeihleix neix. De lij caengz ndaej raen gvaq aensinggiuz hungloet baenzneix gyaeundei baenzneix.

“Aen singgiuz mwngz gyaeundei raixcaix. Gwnz neix miz haij lwi?”

“Gou mbouj rox ne!” Cangh- deihleix naeuz.

“Yienghneix gizneix miz ndoibya lwi?” Lwgvuengziq doeknaiq dangq- maz, cam naeuz.

“Gou mbouj rox ne!” Cangh- deihleix han naeuz.

“Nyaenx miz singz, miz dah, miz diegsa lwi?”

“Gou mbouj rox ne!”

“Mwngz dwg canghdeihleix bw, mwngz mbouj rox ma?”

“W! Gou dwg canghdeihleix.” Canghdeihleix naeuz, “Hoeng gou mbouj dwg canghdamqyiemj ne. Gwnz aen singgiuz neix mbouj miz saek boux canghdamqyiemj. Canghdeihleix mbouj bae damqyawj singz、 dah、ndoibya、 haij caeuq diegsa. Hong canghdeihleix youqgaenj lai, de mbouj ndaej vangq bae youzlangh. De seiz- seiz cungj youq henz congzsaw, langhnaeuz miz canghdamqyiemj daeuj le, de cix youq ndaw rugsaw ciepdaih bouxhek. De miz gijmaz mbouj rox cix cam gyoengq canghdamqyiemj de, geiq gij saeh gyoengqde roengzdaeuj. Langhnaeuz saeh boux canghdamqyiemj lawz mizyinx lai, de cix caz bouxde vunzsoh roxnaeuz vunzrwix.”

“Vihmaz ne?”

“Aenvih langhnaeuz cangh- damqyiemj gangjyaeuh, canghdeihleix raiz saw cix raiz loeng bae. Langh- naeuz canghdamqyiemj naeuz gwn laeuj, raeuz goj mbouj rox de gangj caen rox gyaj bw, raiz loeng cix dwglau lai lobw.”

“Youh vihmaz ne?”

“Aenvih gwn laeuj fiz le, aen ndeu cix rox yawj baenz song aen, yienghneix, canghdeihleix cix raiz goengq bya ndeu baenz song goengq bya bae, yienghneix cix loeng lo.”

“Gou roxnaj boux vunz ndeu,” Lwgvuengziq naeuz, “langhnaeuz de bae damqyiemj, de cix guh mbouj ndei lo, de yaez lai.”

“Wgo! Langhnaeuz boux cangh- damqyiemj neix vunzndei vunzsoh, gou cix bae caz de gangj ndaej deng rox mbouj deng.”

“Baij vunz bae caz ga?”

“Nauq ne! Baij vunz bae cix dwgrengz lai lo. Gou heuh de dawz cingqgawq okdaeuj cix ndaej lo. Lumjnaeuz, langhnaeuz de raen goengq byalaux ndeu, gou cix heuh de dawz ndaek rinlaux ndeu dauqdaeuj.”

Goj gangj goj gangj, cangh- deihleix laegfwngh cix angqyoekyoek, naeuz:

“Mwngz ok biengzgyae daeuj daengz gizneix, mwngz dwg boux canghdamqyiemj, mwngz naeuznaeuz aen singgiuz mwngz hawj gou nyi vei!”

Yienghneix, canghdeihleix cix bienj cek sawlaux de, liux cix dat yienzbit de. Canghdamqyiemj gangj gijmaz de cix aeu yienzbit geiq gijmaz roengzdaeuj, caj daengz canghdamq- yiemj dawz cingqgawq okdaeuj le, de cij aeu gangbit raiz baezmoq.

“Ndaej lo, gangj vei!” Cangh- deihleix naeuz.

“W, youq biengz gou,” Lwg- vuengziq naeuz, “goj mbouj mizyinx geijlai ne, baihde iqiq, miz sam goengq ndoifeiz, song goengq ndoifeizlix, goengq ndeu ndoifeizdai. Mbouj miz vunz rox ndoifeiz seizlawz dek ok.”（20）