●Geij bi neix daeuj, Lungzlinz Gak Cuz Swciyen baengh gijndei ndoengfaex lai, dajcauh Nazdah、Cejlang song aen dieg suen canjnieb gyonjcomz gyagoeng faex, daz- yinx giyez gietcomz hwngfat, hwngfat canjnieb gyagoeng faex, coicaenh gijndei swhyenz cienjvaq baenz gijndei ginghci. Daengz seizneix, daengx yienh gak aen giyez gyagoeng faex gungh miz 32 aen, bi canjciz daengz 3.2 ik maenz, anbaiz vunz lajmbanj couhnieb 2000 lai boux.

(Liengz Saugvangh)

●Mboengqneix, aen duenz gvansim son’gyauq daihhag- seng Guengjsae Caizgingh Yoz- yen bae daengz Cingsih Si Gveihhih Yangh haiguh aen hozdung ndawbiengz lienhguh gyajseizhwngq “sam roengz mbanj”, aen duenz gvansim son’gyauq youq dangdieg hai- guh gangj lajmbanj saenqhwng canloz, doengzseiz lij soengq buek bit maeg simndei he hawj mbangj lwgnyez louz mbanj.

(Cau Cingyuz)

●Mboengqneix, Denzlinz Yen Cejmyauz Yangh cujciz yangh veiswnghyen、giswnghcan lienzhab haiguh aen hozdung senhconz gij cihsiz cangqheiq caeuq senhconz cwngcwz bang- gungz cangqheiq. Mwh hoz- dung, bouxguhhong doenggvaq yienhciengz gangj、fat ceksaw senhconz daengj hingzsik gangjgej gij cihsiz mizgven fuengz bingh caeuq cwngcwz banggungz cangqheiq hawj gyoengq vunzlai, caemhcaiq ciengzsaeq dap gij camcaz vunzlai, lij rau hezyaz、hez- dangz daengj hawj vunzlai mbouj aeu cienz.

(Liuz Yingbyauh)

●Mboengqneix, Guengj- sae Fufung Cizdonz youq Bingzgoj Yen Fung’vuz Cin haiguh aen hozdung giensoengq gaeqlwg banggungz, gungh giensoengq 1500 duz gaeqlwg, soengq hawj Lungzgyangh (27 ranz 1100 duz)、Sanhvanz (10 ranz 300 duz) caeuq Gujlij(5 ranz 100 duz) 3 aen mbanj 42 ranz ranzgungzhoj laeb dangjan laeb gaj haenx.

(Veiz Fuzsingh)