Geij bi neix daeuj, Namzningz Si gaenxmaenx doicaenh Namzningz gveijdau gyaudoeng、gak aen camh- yinhhek heiqci Namzningz Si、aen camh henz diuz roen BRT daih nduj Namzningz yungh Mancuengh、Saw- cuengh daengj minzcuz vwnzva yenzsu, langhbaij le gij daegsaek minzcuz Guengjsae, yienh’ok gij daegdiemj dieg gagguenj minzcuz Guengjsae, daejyienh gij yenzcwz caeuq fugsaeh leixniemh goenggungh gyaudoeng hawj lwgminz fuengbienh、hawj lwgminz ndaej ik、caeuq lwgminz gvanhaeh maedsaed, aeundaej cingz- yauq haemq ndei.

Baiz camhmingz ndaw camh 1 hauh sienq deihdiet、baizdou dieg haeujok rog camh、diuzsaeu dazyinx 500 mij rog camh、diveih dieg haeujok daengj baiz geiqhauh ceijroen cungj yungh le Sawcuengh. Vwnzva Boux- cuengh goek gyae rag raez, Sawcuengh Vahcuengh dwg gij geiqhauh youq- gaenj vwnzva minzcuz Guengjsae. Yungh Sawcuengh Vahcuengh doiq swnjcienz vwnzmingz、hezdiuz gvan- haeh minzcuz、henhoh minzcuz dox- giet caeuq ndawbiengz onjdingh, coicaenh hwngfat hezdiuz ndawbiengz、ginghci dieg Bouxcuengh, fugsaeh vwnzva minzcuz hoenghvuengh daengj fuengmienh gig miz yingjyangj laeg- gyae caeuq cozyung gaenxmaenx.

2 hauh sienq deihdiet daengx diuz sienq yungh gij yenzsu aennyenz Bouxcuengh. Moix diuz saeu ndaw ding dap ci cungj yaenq miz raiz aennyenz, baiz ceijroen caeuq geiq- hauh roen camhci couh yungh saek- henjnding guh daeuz. Denhvahbanj camhding dajcang yungh gij dajveh sienqdiuz saekhau yiengh luenzgung, yungzhab gij daegdiemj dajveh minz- cuz caeuq daihneix. Vwnzva aennyenz dwg gij fouzhauh daiqbiujsingq daeg- saek minzcuz Guengjsae, aennyenz hix dwg gij vwnzva fouzhauh Namz- ningz ceiq miz daiqbiujsingq ndawde cungj ndeu, gig miz daegsaek minzcuz dangdieg. Cingjdaej saek dajcang, 2 hauh sienq camhdiemj cujyau dwg saekmonghau, cauh’ok gij vanzging yiengh saek seuqcingh, doenggvaq gij fouzhauh vwnzva conzdungj caeuq caizliuh gunghyezva daihneix nem biujdaz hingzsik, eiqsei dwg hawsingz yendaiva Namzningz caeuq vwnzva conzdungj minzcuz caemh youq.

(Muengx Swcigih Minzcunghveij)