cim boux diemj- daeng neix, de gyaez boux neix, aenvih boux neix seizseiz cungj souj mingling. Lwgvuengziq dauqngeix daengz gaxgonq de doenqdoenq daengqeij cix ndaej yawj daeng- ngoenz doekcongh. Lwgvuengziq naemj coengh boux baengzyoux neix, mbouj hawj de dwgrengz lai.

“Gou naeuz mwngz, gou miz aen banhfap ndeu hawj mwngz ndaej yietnaiq, mwngz yaek seizlawz yiet- naiq cungj ndaej.”

“Gou seizseiz cungj yaek yiet- naiq.” Boux diemjdaeng han naeuz.

Vunz cix yienghneix lo, mbangj- seiz gaenx mbangjseiz gik, gaenx cix seizseiz guhhong, gik cix seizseiz yaek yietnaiq.

Lwgvuengziq laebdaeb naeuz dem:

“Aen singgiuz mwngz iq baenz- neix, mwngz song sam yamq cix byaij ndaej hop ndeu lo. Mwngz baez yamq baez yamq menhmenh byaij, yiengh- neix daengngoenz seizseiz cix dak daengz mwngz, seizseiz cungj dwg gyangngoenz, mwngz seizlawz yaek yietnaiq cix guh yienghneix byaij ngoenz ndeu, yienghneix mwngz yaek hawj gyangngoenz miz geijlai nanz de cix miz geijlai nanz lo.”

“Yienghneix goj mbouj baenz geijlai ne.” Boux diemjdaeng neix han naeuz, “Gou ngah ninz ndwi go!”

“Nyaenx cix dwgrengz lai lo. Mbouj rox guhlawz guh lo.” Lwg- vuengziq naeuz.

“Wgo! Dwgrengz lai!” Boux diemjdaeng neix han naeuz, “Gyang- haet ndei!”

De youh ndaep daeng baezmoq lo.

Lwgvuengziq goj byaij goj baenaj, vubvubvebveb gag naeuz:

“Doenghgij vunz lumj guek- vuengz ha, bouxluemjrog ha, laeujgeq ha, bouxguhgaicawx ha coj riu boux diemjdaeng neix dahraix. Hoeng, gou mbouj raen boux diemjdaeng neix miz gijmaz yaekriu nauq. Aiq naeuz dwg aenvih de ngeix gijwnq, mbouj gag naemj bouxgaeuq ndwi.”

De doeknaiq lai, gyangzci liux lwnh bouxgaeuq nyi:

“Gou nyienh riengz de gap baengzyoux, hoeng aen singgiuz de iq lai, song boux vunz youq mbouj roengz.”

Lwgvuengziq gyaez aen singgiuz neix dahraix, aenvih youq gizneix de ngoenzngoenz cungj ndaej yawj daengngoenz doekcongh it cien seiq bak seiq cib baez!

Cib Haj

Aen singgiuz daihroek laux gvaq aen daihhaj cib boix. Gwnz de miz boux baeuqgeq ndeu, de cingq raiz cek saw hung ndeu.

“Yo, miz boux canghdamqyiemj ndeu daeuj lwbw!” Baeuqgeq baez yawjraen Lwgvuengziq cix hemq naeuz.

Lwgvuengziq naengh youq henz congz, baegfofo, de gvaq raemx gvaq dah gyae’gyanggyang byaij daeuj daengz gizneix.

“Mwngz ok gizlawz daeuj ha?” Baeuqgeq cam Lwgvuengziq naeuz.

“Cek saw hung neix saw gijmaz ne? Mwngz youq neix guhmaz?” Lwgvuengziq cam naeuz.

“Gou dwg canghdeihleix.”Baeuqgeq han naeuz.

“Canghdeihleix dwg vunz gijmaz ne?”

“Canghdeihleix couhdwg cangh- gvanh deihleix, de rox youq gizlawz miz haij, youq gizlawz miz dah, miz singz, miz ndoi miz bya, miz diegsa.”

（19）