7 nyied 29 hauh daengz 31 hauh， Denzlinz Yen Duzsuhgvanj banh le 3 ngoenz ban beizyin siujhagseng cozvwnz mbouj aeu cienz.

Beizyin neiyungz miz：It lienh sij caeuq doxdax camdap cwngzyij; ngeih doeg gak loih faenzcieng lauxsae daezhawj caeuq hagseng laemzseiz gag senj doeg haenx faenbied guh 6 cungj doegsaw bitgeiq(couh dwg yiengh baegaij、yiengh cauloeg、yiengh daezgang、 yiengh dijvei、yiengh ciemsaw、yiengh mbawceij iq). Yienzhaeuh hawj hagseng giethab bonjfaenh doeg faenzcieng roxyiuj gij cungsim swhsiengj、cawjdaez caeuq daegdiemj、gijfaz、siengjfap haenx, sij ok bonjfaenh yawjfap caeuq cujcangh, haujlai hagseng cungj ndaej youq gvidingh seizgan ndawde guhsat cozvwnz gwnzdangz, ndawde miz boux hagseng haj nienzgaep he ngamq yungh 30 faencung couh sij ok bien faenzcieng 570 lai cih ndeu, vanzlij sij cih saw ndei cingq、gawqvah doengswnh、mbouj miz loeklaeuh、mbouj miz catgaij.

(Fungz Cunhvang/冯春旺)