8 nyied 2 hauh, Ningzmingz Yen Haijyenh Cin Hoihyangh- yenz bouxfucwz hawj Ningz Meijvaz、Ganh Yenjdungh、Ningz Caijyiz、Vuz Veihenz daengj 4 boux hagseng bineix cunghgauj aeu cienz A cingzcik ndei faenbied gauj hwnj Binhyangz Cunghyoz、Vujmingz Gauhcungh、Gvangjsih Minzcuz Swhfan Yozyen Fusuz Cunghyoz neix moix vunz fat 800 maenz ngaenzgien banghag.

Ciuq cam rox, Ningzmingz Yen Haijyenh Cin soqlaiz cungj dwg gingq sae naek son, moix bi seizcou haihag gonq, aen cin neix hoihyanghyenz、sevei gak gyaiq vunz cungj doxcanj dwk gien cienz hawj doenghboux lwghag daegbied dwg lwghag gungzhoj youq ndaw cungh、gauhgauj cingzcik ndei haenx guh ciengjli caeuq bangcoh, aen conzdungj ndei neix daengz seizneix gaenq lienzdaemh le 20 lai bi.

(Couh Yizgangh/周贻刚 Luz Couh /陆 洲)