7 nyied 25 hauh, Lungzswng Gak Cuz Swciyen Gohhez iucingj nungzgi conhgyah daengz Lungzciz Cin Yozvuj Cunh “Gyangjsizsoj”, vih dangdieg vunzlai son gisuz ndaem makbakhom.

Bineix gvaqdaeuj, Lungzswng aeu ganbu haeuj gyangjsizsoj gangj cwng- cwz、conhgyah haeuj gyangjsizsoj gangj ginwngz、ndaw yangh bouxmaenh’ak haeuj gyangjsizsoj gangj daudwz、hohvutgungz haeuj gyangjsizsoj gangj vutgungz, aeu hingzsik “seiq gangj seiq haeuj” cauhbanh gyangjsizsoj seizdaih moq, baengh gyangjsizsoj seizdaih moq daezsang giekdaej ganbu vunzlai cunghab suciz、daezsang vunzlai gungzhoj vutgungz baenzfouq hwngfat naengzlig. Daengz seizneix, gyangjsizsoj seizdaih moq gaenq gyuem daengz daengx yienh 119 aen hingzcwng cunh.

(Veiz Gizyangz/韦吉阳)