7 nyied 25 hauh, youq aen suenmak Lozcwngz Mulaujcuz Swciyen Genh’ai Yangh Ganhfungz Cunh, gyoengq cunhminz nyaengq mbaetsou makmaenjcaw.

Genh’ai Yangh dieg youq baihsaebaek Lozcwngz bien gyae, haijbaz haemq sang mbwn nit, dwg daengx yienh dieg hohgungzhoj haemq lai he. Vihliux gyavaiq vunzlai vutgungz, bi 2015, Genh’ai Yangh Dangjveij Cwngfuj nyinhcaen ca ndei hong canjyez banggungz lwgmak “sam daegbied”, gaenxmaenx yinx Lozcwngz Yingzfungh Ndaemciengx Nungzminz Conhyez Hozcozse youq rangh Boda’gvaniuz Mbanjyaujhoz haijbaz 700 mij baedauq haenx guhyiengh ndaem makmaenjcaw, bineix gaenq miz 500 moux hainduj dawzmak ndaej gai, gujsuenq canjliengh dabdaengz 7.5 fanh goenggaen, souhaeuj dabdaengz 75 fanh lai maenz, baenz Genh’ai Yangh aen canjyez vutgungz moq ndeu.

(Mungz Cwnghswh/蒙增师)