●Mboengqneix, Denzyangz Yen Yifung Cin gig yawjnaek hong senhconz ciubing seizhah, doenggvaq nem byauhyij、venj fukhwngzfuz、ok banjbau、haeuj ranz gojgangj daengj hingzsik, haenqrengz senhconz gij cwng- cwz、iugouz、biucinj daengj hong ciubing bineix, gaenxmaenx dungyenz gyoengq bouxcoz hab bi’ndwen daengx cin gaenx- maenx bauqmingz wngq ciu.

(Vangz Gozsun)

●Ndwen 7 ngoenz 9 daengz ngoenz 17, Cungzcoj Si Gyanghcouh Gih Minzcuzgiz、Minzyijban yungh gyajseizhwngq hagseng banh aen ban son- gyauq fwen canghfwen iq Boux- cuengh, gungh miz 30 boux hagseng iq camgya son’gyauq. Baez son’gyauq neix hawj gyoengq hagseng iq roxnyinh gij yinxdaeuz vwnzva fwen Boux- cuengh, caenh’itbouh gikfat gij yiedcingz gyoengqde swnjcienz caeuq fatyiengz vwnzva minzcuz maenhndei.

(Veiz Veigenh)

●Dasinh Yen doenggvaq gij fuengsik “denhsang+hoz- cozse+ranzgungzhoj”, gya- gvangq diuz roen vunzlai gai doxgaiq reihnaz. Seizneix, aen yienh neix gaenq laebbaenz 104 aen dieg fugsaeh cunghab denswj sanghvu lajmbanj, ndawde 25 aen dieg fugsaeh youq mbanjgungzhoj, mizyauq vih vunzlai dangdieg daezhawj gij fugsaeh gwnz muengx bang gai bang cawx、sou fat vaiqgienh daengj.

(Liengz Gveivah)

●Bineix doxdaeuj, Ningz- mingz Yen Mingzgyangh Cin yinxhaeuj aen giyez denswj、gyagoeng buhvaq youq Bwzcenz Cunh、Cinzyez Cunh、Li’gyangh Cunh daengj mbanj hailaeb “cehgenh banggungz”, youq bonj dieg dawz aen cangj gyagoeng hai youq bakdou ranz vunzlai, hawj beksingq youq bakdou ranz couh ndaej hwnjban couhnieb, cietsaed gaijgez seizhoengq mbouj miz hong guh、ok rog dajgoeng youh mbouj ndaej ciuqgoq bouxlaux、lwgnyez daengj vwndiz, hawj vunzlai mboujdan ndaej gyalai souhaeuj, youh ndaej ciuqgoq gyaranz.

(Couh Yizgangh)