Duh’anh Yauzcuz Swciyen mboujduenh cauhmoq, youq Yaau Cin、Sanhcihyangz Yangh Lungzfangz Cunh、dieganceiq senjranz banggungz senj dieg Gojli daengj daengx yienh gak yanghcin、mbanjgungzhoj、dieg- anceiq senj dieg laebbaenz le“Gyangjsizsoj Seizdaih Moq”, hawj “Gyangjsizsoj Seizdaih Moq” dohcaez singz mbanj.

“Gyangjsizsoj Seizdaih Moq” Duh’anh laeb gij neiyungz hozdung gangj siz “1+3+X”. “1” couhdwg yungh hagsib senhconz gvancez gij ngeixnaemj Siz Ginbingz sevei cujyi miz daegsaek Cungguek seizdaih moq guh cawjsienq; “3” couhdwg cungdenj gangj gij cingsaenz Cibgouj Daih、Cibgouj Gaiq Ngeihcung、Samcung cienzhoih dangj, lajmbanj saenqhwng canloz, sevei cujyi hwz- sinh gyacizgvanh sam aen fuengmienh neiyungz; “X”couhdwg dungjcouz Duh’anh gihcwngz saedsaeh caeuq gij hong vunzlai gig gvansim haenx, dawz vut gungz gunggeng、gaijbienq fungsug gaeuq、 cingsaenz Duh’anh daengj neiyungz baenzdauq caeuq vunzlai gvanhaeh maedcaed haenx nabhaeuj gyangjsiz fancouz. Aen yienh neix cujciz yienh yangh lingjdauj ganbu、“suhgi daih’it” youq mbanj、vunzndei Duh’anh caeuq bouxak baenz miz(bouxak dangjyenz) laeb- baenz aen doihsenhgyangj gyangj- sizsoj, bae daengz yanghcin、mbanj、dieganceiq senjranz banggungz senj dieg、hagdangz daengj haiguh gij hozdung cawjdaez hagsib gyauyuz hagsib lundanz、cihsiz doxdax、dinfwngz doxdax daengj lai cungj hingzsik, yungh “dangzgoq gyangj- siz” “riuzdoengh gyangjsiz” dox giethab, doenggvaq “hoih daengq” “hoih humxgien”“gyangjdangz gyanghongh” daengj fuengsik gangj, cienzmienh dawz gij ngeixnaemj Siz Ginbingz sevei cujyi miz daegsaek Cungguek seizdaih moq daegbied dwg gij cingsaenz caeuq neihanz fungfouq cinjcing vut gungz fanghloz, cienzndenq daengz vunzlai gihcwngz bae.

(Veiz Bingjvang)