Ngoenz ndeu, duzlingz caeuq duzmeizvahluz caez youq yaeng- lwnh gienh saeh ndeu, gienh saeh neix couhdwg, dauqdaej bonjsaeh byawz ak. Duzlingz gip naeuz:“Bonjsaeh gou ak, gofaex baenzneix sang gou hix bin hwnj ndaej.” Duzmeizvahluz hix mbouj nyienh fug saw naeuz:“Mbouj dwg, bonjsaeh gou ak, aenvih gou rox diuqgyae.” Duzlingz youh cam:“Mwngz rox bin faex lwi?” Duzmeizvahluz hix gaen naeuz:“Mwngz rox diuqgyae lwi?”……

Duzlingz naemj ok le aen banh- fap ndeu, naeuz:“Gag naeuz bonj- faenh ak mbouj miz yungh, raeuz caez bae camcam duzciengh, de naeuz bonjsaeh byawz ak byawz couh ak.”“Ndei.” Duzmeizvahluz naeuz. Gyoengqde ra daengz le duzciengh, duzciengh yungh aen ndaeng ceij le ceij go faexmak doiq hamq diuz dah iq naeuz:“Gyoengqsou byawz mbaet mak ndaej gonq bonjsaeh byawz ak.” Duzlingz caeuq duzmeizvahluz dingq le couh caez naemj banhfap, duzlingz naemj,“gou dauq rox bin faex, hoeng baenzlawz gvaq dah ne?” duzmeizvahluz hix naemj,“couhcinj gouq diuq gvaq dah le, gofaex baenzneix sang, hoz gou baenzlawz raez hix iet mbouj daengz ha.” Gyoengqde naemj le haujlai nanz, caez naeuz:“Mboujyawx song raeuz doxgap ba.” Gangj dwk duzlingz diuq hwnj laeng duzmeizvahluz bae, duzmeizvahluz yat diuq gvaq dah le, duzlingz riengjvaiq bin hwnj go faexmak bae mbaet le haujlai mak, youh gwih hwnj laeng duzmeiz- vahluz dauqma doiq hamq dah. Aeu mak gyau hawj duzciengh, duzciengh naeuz:“Gyoengqsou yawj, neix mbouj dwg gig baenz ma? Coglaeng gyoengqsou aeu geiq- maenh, doxgiet rengz hung!” Gangj dwk, duzlingz caeuq duzmeiz- vahluz cungj ngaem gyaeuj roengz- daeuj lo.

(bouxraiz Yiz Saigyangz bouxhoiz Dahdingz)