Vih engq ndei fatyiengz gij vwnzva vah minzcuz vunznoix, langh- baij gij cingzcik caeuq bienqvaq hungloet Hocouh Si dieg minzcuz minzcuz vunznoix hwngfat、ndaw- biengz cinbu、minzcuz doxgiet daengj fuengmienh aeundaej haenx, youq mwh Swcigih laebbaenz 60 hopbi, giethab gij cingsaenz Cibgouj Daih dangj, Hocouh Si Minzcunghveij、Minzyijveij lienzhab Cauhbingz Yen Minzcunghgiz, youq ndwen 6 ngoenz 19 daengz ngoenz 21 youq Cauhbingz Yen banh aen ban son’gyauq song vah canghfwen Yauzcuz bi 2018 Hocouh Si, aen ban neix guh 3 ngoenz.

Baez son’gyauq neix, doiq gyalai gij ligdoh gungganq vunzcaiz fwen Yauzcuz, coicaenh swnjcienz baujhoh vwnzva vah maenhndei minzcuz vunznoix Hocouh Si, caenh’itbouh haeujlaeg vatcimh caeuq daezsang gij naengzlig cauhguh canghfwen Yauzcuz bonjdieg, vih doidoengh gij saehnieb minzcuz doxgiet aen si neix dwk roengz giekdaej maenh- ndei.

Son’gyauq doenggvaq yungh vah minzcuz cienjvaq baenz gij cingzgoj cauhlaeb yawj ndaej raen、lumh ndaej raen、ndaej hemq hwnj gij geiqsingq gyoengq vunzlai, mboujduenh gya- giengz nyinhhawj minzcuz, giengzvaq gij cingsaenz minzcuz, dajcauh minzcuz binjgwz, hawj gyoengq vunz- lai roxnyinh daengz gij rengz ak gagsaenq vwnzva minzcuz vunznoix, haenqrengz doicaenh hong yungh caeuq senhconz doigvangq vah minz- cuz vunznoix aen si neix hoengh- vuengh hwngfat.

(Hoz Vazlanz/何华兰)