●Mboengqneix, Sangswh Yen banh aen vanjvei vwnzyi cienciengz aen singhgiz senhconz ceznwngz daengx guek, vanjvei yungh “ceznwngz gyangqhauq henhoh mbwnheu” guh cawjdaez, doenggvaq diuqfoux、siujbinj、go daengj lai cungj vwnzyi hingzsik, senhconz mbaetyungh caeuq swnghdai vwnzmingz leixniemh, cauh ok gij heiqfaenh mbaetyungh nwngzyenz gyangq danq naekna. Vanjvei lij cap miz gij hothoh ciengjdap mbaetyungh nwngzyenz gyangqhauq daengj gvendaengz cwngcwz cihsiz dem, cietsaed daezsang senhconz saedyauq.

(Bungz Yenjho)

●Mboengqneix, Hozciz Si Yizcouh Gih Senhconzbu、Gih Ginduzban、Gih Fulenz daengj gvendaengz bouhmonz gaenx- maenx haiguh gimqdoeg senhconz haeuj hagdangz hozdung. Youq mwh hozdung, bouxguhhong doenggvaq banh gimqdoeg cihsiz gyangjco、gimqdoeg cihsiz ciengj- dap、fatcuengq senhconz swhliu、venj fuk hwngzfuz daengj hingzsik guh gyonjcomz senhconz. Boux- guhhong giethab gij anqlaeh caensaed ndwenngoenz, cienzdoh gij cihsiz gimqdoeg hawj gyoengq hagseng, gaenxmaenx sonyinx hagseng daeqceih huqdoeg.

(Liuz Yinzyingz)

●Mboengqneix, Guekgya Dungjgigiz Duh’anh Yauzcuz Swciyen Diucazdui bae daengz Ginghswng Yangh Sanhbingj Cunh Siujyoz aen yienh neix, haiguh “sim lienz lwgnyez louz mbanj diegbya gungzhoj” goeng- ik cawjdaez ngoenzdangj hozdung, soengq buek saw lwgnyez、bitmaeg caeuq doxgaiq dijyuz yungh he bae hawj gyoengq lwgnyez louz mbanj aen hagdangz neix, gujli gyoengq lwgnyez yungh gij cing- saenz gaenxmaenx doxhwnj ciep- coux gak cungj hojnanz caeuq deuqnyex ndaw hagsib、ndwen- ngoenz.

(Veiz Valingz)

●Mboengqneix, Gveigangj Si Cinzdangz Gih Yinzminz Faz- yen swhfaz gingjcaz bae daengz Cinzdangz Gaugaep Cunghag haiguh “gvansim ngoenzcog, buj- faz byaij gonq” bouxcoz nyezrauh fazci gyauyuz hozdung, vih 4000 lai boux lauxsae hagseng aen hagdangz neix hwnj le dangzgoq fazci sengdoengh ndeu.

(Yij Suhmingz)