Geij bi neix daeuj, Denhngoz Yen genhciz gij hwngfat leixniemh “bya heu raemx saw couhdwg byagim bya- ngaenz”, ciuq dieg bae hwngfat, byaij diuz roen “swnghdai laeb yienh”, dawz canjnieb hwngfat dangguh diemj cengjdaemx cinjcing banggungz、diemj daengxdin ranzgungzhoj laisou baenz miz.

Ciuq cam rox, aen yienh neix doenggvaq ciu giyez yinx ngaenzcienz caeuq daezhawj cwngcwz haeujcoengh daengj fuengsik, yinx gunghswh giyez、hozcozse daengj ndawbiengz swhyenz camgya haifat banggungz canjnieb, gujli vunzlai riuzcienj diegnamh haeujguj ginghyingz, haenqrengz gungganq mak mbouj miz goenghaih, dajcauh gij mak miz daegsaek, coicaenh banggungz canjnieb daengx dieg hwngfat.

Aen yienh neix binaengz yawh- suenq caemhcaiq cingjhab gij ngaenz- cienz gvendaengz nungzyez 10600 fanh maenz, yungh guh hwnjguh gij giekdaej sezsih dieg canjnieb. Doengzseiz, anbaiz ngaenzcienz 400 fanh maenz, doiq ranzgungzhoj gag hwngfat bang- gungz canjnieb daezhawj ngaenzcienz boujdiep, moix ranz hawj 5000 maenz ngaenzcienz hainduj canjnieb, ranz- gungzhoj ndaem dinfaex、vat gumz、bwnh daengj cwngfuj cienzbouh bang- cienz, doiq ranz dajndaem dajciengx lai、bouxguhnaz ciennieb hozcozse、aen giyez lingxdaeuz hix hawj ciengj bang- coh.

Ciuq gyoepsuenq, bineix daeuj, aen yienh neix ndaem moq hwzdauz 0.51 fanh moux、mak“sanhdwz” 1.3261 fanh moux、youzcaz 1.8 fanh moux、gaijcauh suen maklaeq canjlieng daemq 0.8 fanh moux, gyalai raemxdamh swnghdai dajciengx mienhcik 0.27 fanh moux, guhsat gyalai vaiznoh ok gai 700 duz、yiengz ok gai 1000 duz、mouhom ok gai 1000 duz.

(Yaz Gveiyangh)