●Seizneix, Ginhcouh Si Lingzsanh Yen 56 fanh moux maklaehcei baenz lo, ngoenznaengz baenz fanh boux bouxguhnaz nyaengq mbaet maklaehcei gai bae daengx guek gak dieg, Lingzsanh Yen dwg aen yienh Guengjsae ndaem maklaehcei ceiq lai, yawh- suenq bineix maklaehcei ndaej 16.5 fanh dun, beij bi’gvaq laisou 27.91%, cungj gyaqcienz mauhgvaq 10 ik maenz.

(Yiz Sienghcenz)

●Vih hawj lwgnyez engq ndei roxyiuj gij vwnzva neihanz fungfouq ciet ndwenngux co’ngux, roxnyinh conzdungj vwnzva, ndwen 6 ngoenz 15, Hozciz Si singzgih haujlai aen youwzyenz haiguh “ndwen- ngux co’ngux faengx hom- fwd”lwgnyez bohranz baenzdauq hozdung, gyoengq lwgnyez ndaej gyoengq lauxsae、bohranz sonyinx, roengzsim hag dinfwngz suek faengx, youq mwh saedguh roxnyinh gij yinxdaeuz conzdungj vwnz- va.

(Yauz Lieng)

●Ndwen 6 ngoenz 15, Namzningz Si Roenminzcuj Siujyoz banh aen hozdung doxdax minzcuz dijyuz mizyinx “ngoenzciet raeuz·ciet ndwenngux co’ngux”. Hozdung ngoenzhaenx dawz gij fungsug daegbied gag- miz ndwenngux co’ngux yungzhaeuj hozdung miz- yinx bae, hawj gyoengq hagseng youq mwh guh- caemz roxnyinh gij conz- dungj minzsuz vwnzva.

(Ciengj Yaujmeiz)

●Ndwen 6 ngoenz 14, Cingsih Si Ginduzveij cuj- ciz ginduzban、gungh’anh- giz、swhfazgiz、gyauyuzgiz daengj bouhmonz bae Yinz- cangh Yangh Yinzcangh Cuhcungh banh aen hoz- dung “henzguek gimqdoeg senhconz haeuj hagdangz”. Lauxsae hagseng Yinz- cangh Cuhcungh、hagseng nienzgaep sang Yinzcangh Cungsim Siujyoz gungh 500 lai boux camgya hozdung.

(Bah Yauvwnz)