Bineix gvaqdaeuj, Liujcwngz Yen Secungh Yangh gaenxmaenx dawzok gij cozyung daihdoengh guhyiengh lajmbanj hohhung dajndaem caeuq conhyez hozcozse, aeu gij fuengsik “hozcozse + gihdi + nungzhoh + hohgungzhoj”, doenggvaq cienz bang gungz、gisuz bang gungz、cehmiuz boujdiep daengj banhfap, bangcoh lajmbanj vunzlai hwngfat ndaem makbwzyanghgoj 400 lai moux.

Ciuq cam rox, dangqnaj aen yienh neix Fuzbinzban、Nungzyezgiz daengj bumwnz youq daengx yienh 23 aen mbanj gungzhoj guh hanghmoeg daegsaek canjyez 20 aen, ndawde guh gihdi guhyiengh ndaem makbwzyanghgoj 5 aen, menciz dabdaengz 2000 lai moux. Ciuq bingzyaenz mouxcanj 2000 goenggaen, hawciengz sou gyaq 4—7 maenz/goenggaen, mouxcanj souik ndaej dabdaengz 8000—14000 maenz.

(Dwng Gwzyi/邓克轶)