●Ndwen 6 ngoenz 5, Mungzsanh Yen youq Han- hauz Yangh Ginhdung Cunh banh bi 2018 aen ban son- gyauq gohgi mehmbwk ndaem lingzcih, 50 lai boux mehmbwk caeuqfaenh son- gyauq dinfwngz ndaem lingz- cih, vih coicaenh mehmbwk lajmbanj cauhnieb couhnieb、laisou baenz miz daezhawj dinfwngz cengjdaemx.

(Gvanh Sinh)

●Geij bi neix daeuj, Denhngoz Yen gaenxmaenx sonyinx bouxguhnaz ndaem gonengznuengx ciengx non- sei, daiqdoengh Gwnghsinh、Naciz caeuq Luzbaiz daengj yanghcin buek vunz gungzhoj diegbya ndeu doenggvaq ndaem gonengznuengx ciengx nonsei vut gungz baenz miz. Ciuq aen yienh neix nungz- yezgiz gyoepsuenq, seizneix, daengx yienh miz suen gonengznuengx ca mbouj lai 3000 moux, ndaej reh ceiq daemq daengz 10 dun dox- hwnj.

(Vangz Yenzsungh)

●Ndwen 6 ngoenz 5, Nanzdanh Yen Aiveiban、Veigiveij、Cizgung Cungsim daengj lai bouhmonz lienzhab Cwngzgvanh Cin Daihngeih Cunghyoz, haiguh “ngoenz seiqgyaiq mbouj miz ien” senhconz haeuj hagdangz hozdung, gangj gij sienghaih cit ien hawj gyoengq hagseng. Hozdung yienhciengz, boux- guhhong doenggvaq gyangjco、fat mbawdan senhconz、baij canjbanj daengj fuengsik, hawj caezgya roxyiuj gij sienghaih caeuq gij doxgaiq miz haih ndaw ien hamzmiz haenx.

(Luz Yauz)

●Ndwen 6 ngoenz 4, Cungzcoj Si Cwnghez bi 2018 vut gungz baenz miz haeuj siujgangh——veiswngh gohgi vwnzva “sam roengz mbanj” hozdung youq Lungzcouh Yen Yadung Cin Dozgyangh Cunh banh, hozdung fungfouq lai yiengh, miz gofoux、doiq fwen、siujbinj daengj biujyienj cezmuz, yinx ndaej haujlai vunz daeuj yawjngonz.

(Hij Cibingz)