Mboengqneix, gicej daj Swcigih Gyauyuzdingh roxyiuj, Guengjsae bineix yaek ciusou 184 boux siujyoz Cuengh Gun song vah saw lauxsae dinghyiengq son’gyauq swhfanswngh, doengh gij hagseng neix dinghyiengq youq Binhyangz Yen、Majsanh Yen caeuq Denzyangz Yen daengj 25 aen yienh(si、gih) ciusou.

Swcigih Gyauyuzdingh gausai, baez neix dinghyiengq son’gyauq swhfanswngh dwg gauhcungh haidaeuz、conhgoh cwngzsw, ciusou ciennieb dwg 3 bi siujyoz gyauyuz ciennieb (Cuengh Gun song vah saw fueng- yiengq). Ndawde Guengjsae Swhfan Yozyen son’gyauq 112 boux, Guengj- sae Minzcuz Swhfan Yozyen son’gyauq 72 boux.

Ciuq cam rox, boux hagseng bujdungh gauhcungh bizyez camgya bineix bujdungh gauhgauj、diegyouq hagseng dwg aen yienh(si、gih) dingh- yiengq ciuseng, hab diuzgienh lajneix ndaej bauqgauj: Gauhgauj cingzcik daengz faensoq sienq gauj ndaej gauh- ciz gauhconh Guengjsae; gagnyienh guh hong lajmbanj siujyoz gyauyuz saehnieb caemhcaiq youq Cuengh Gun song vah saw siujyoz roxnaeuz diemj sonhag guh hong sonhag 8 bi doxhwnj; ndang cangq, dijgenj habgek, ndaej guh hong sonhag.

Ciuq dajveh, doengh gij dingh- yiengq song vah saw swhfanswngh neix youq hagdangz hagsib geizgan cienz- hag、 cienzdozninz cungj mbouj aeu, caemhcaiq ciuq mizgven cwngcwz fat cienzgwndaenj bangbouj dem. Hagseng dinghyiengq bizyez le yaek youz dinghyiengq yienh(si、gih) ciuq hezyi anbaiz couhnieb, dinghyiengq song vah saw swhfanswngh bizyez gaxgonq caeuq youq duenhseiz hezyi gvidingh fugsaeh, itbuen mbouj ndaej bauqgauj gizyawz dozcanj yozliz gyauyuz; bizyez seiz mbouj hengz dinghyiengq son- gyauq hezyi, aeu ciuq gvidingh boiz gij cienzhag gaenq ndaej yiengjsouh caeuq gyau gij cienzveizyoz.

(Cau Dwzfeih)