●Ndwen 5 ngoenz 31, Sanhgyangh Dungcuz Swciyen yenciz gihgvanh youwzyenz youq aenguenj lienhndang aen yienh neix banh “roek it” vwnzyi comzyienj, lauxsae hag- seng caeuq gyoengq bohranz yungh golaux Dungcuz、bohranz caeuq lwghag langhbaij ndang- daenj、bohranz caeuq lwghag caez diuqfoux daengj cezmuz lai yiengh angqcoux ciet lwgnyez, caeuq lwgnyez caez yiengjsouh gij angqyangz seiz lwgnyez.

(Gungh Bujgangh)

●Ndwen 5 ngoenz 31, Bingzsiengz Si Daih’it Cungh- yoz banh gaiq daihsam minzcuz conzdungj dijyuz yindungvei. Baez yindungvei neix miz bau aendomq、bengcag、sam vunz haizgieg、song vunz sam ga buet, dik gienq、diuqcag daengj conzdungj minzcuz dijyuz hanghmoeg, yindungvei guh 2 ngoenz.

(Hij Siujlingz)

●Ndwen 6 ngoenz 1, Lungzswng Gak Cuz Swciyen Lungzswng Cin Fulenz cujciz bouxgagnyienh “daxmeh sim- ndei” daiq lwg bonjfaenh daengz Sanhdungh Cunh aen cin neix, bae camnai lwgnyez ndangcanz mbouj ndaej cingq- ciengz hwnjhag haenx, soengq yinjliu、doxgaiq guhcaemz、saw nem ngaenzcamnai bae hawj gyoengqde, caeuq gyoengqde caez guhcaemz、ciengqgo, hawj lwgnyez ndangcanz lumj lwg- nyez cingqciengz ityiengh gvaq ciet lwgnyez “roek it” bonj- faenh.

(Vuz Swnghbinh Yangz Cingh)

●Ndwen 5 ngoenz 31, Baksaek Si Saedniemh Siujyoz haiguh hoh “roek it” simndei ngeihgai hozdung, gyoengq hagseng iq dawz gak cungj gijgwn ndei bonjfaenh caeuq lauxsae、bohranz doxgap guh haenx youq ndaw hagdangz ngeihgai, caemhcaiq dawz gij cienz gai ndaej haenx cienz- bouh gien okdaeuj, yungh guh bang lwgnyez gungzhoj caeuq lwgnyez louz mbanj, yungh neix angqhoh ciet lwgnyez “roek it” bonjfaenh.

(Luz Gez)