《Diuzlaeh Hong Saw Vah Minzcuz Vunznoix

Guengjsae Bouxcuengh Swcigih》 Ndaej Swcigih

Cibsam Gaiq Yinzda Cangzveijvei Doenggvaq

Bonjbauq siusik(gicej Dangz Lungz) Ndwen 5 ngoenz 31 banhaet, Swcigih Cibsam Gaiq Yinzda Cangz- veijvei Aenhoih Baez Daihsam Aen- hoih Daengxcungq Baez Daihngeih youq Namzningz hai, aenhoih biujgiet doenggvaq le《Diuzlaeh Hong Saw Vah Minzcuz Vunznoix Guengjsae Boux- cuengh Swcigih》(lajneix genjdanh heuhguh 《Diuzlaeh》).

Swcigih Minzyijveij fucujyin Veih Yungjhungz youq mwh ciepsouh gicej caijfangj naeuz, 《Diuzlaeh》 dwg bouh fapgvi deihfuengsingq minzcuz youq- gaenj gih raeuz youq gyavaiq saed- yienh “song aen guhbaenz” hingzseiq moq lajde dingh’ok, dwg cungjgez caeuq hwngfat gij gingniemh baenz- goeng hong saw vah minzcuz vunznoix lai bi neix daeuj. 《Diuzlaeh》 ndaej doenggvaq hauh’ok saw vah minzcuz gih raeuz laebfap aeundaej cung- byoengq lizsijsingq, doiq coglaeng guh ndei hong saw vah minzcuz gih raeuz yaek miz faplwd baujcang cozyung. Hoeng, cangzcwngh fanh leix dan yamqok le yamq daih’it maenhsaed, nyinhcaen hagsib senhconz、cienz- mienh gvancez doeksaed 《Diuzlaeh》, guh ndei hong hwngfat swnjcienz vwnzva minzcuz mbaq rap naek diuz roen gyae, raeuz lijaeu laebdaeb roengzrengz!