●Ndwen 5 ngoenz 26 banhaemh, Denzyangz Yen Daihcib Siujyoz banh aen vanjvei vwnzyi “roek it” bi 2018, vanjvei cawjdaez dwg “seizseiz dingq vah dangj·ciengxlwenx riengz dangj byaij”, daengx hagdangz gak ban hagseng faenbied hwnj daiz biujyienj vwnzyi cezmuz, mboujdan cungfaen langhbaij gij dungxcaiz hagseng daengx hagdangz, youh caux ok gij heiqfaenh angqyangz naekgywd ciepcoux ciet lwgnyez “roek it”.

(Vangz Gozsun)

●Vih angqhoh ciet lwg- nyez “roek it”, sonyinx bouxcoz nyezrauh liz gyae yungyiemj, liz gyae famhcoih, hag rox yungh fap henhoh gij gienzleih habfap bonjfaenh, ndwen 5 ngoenz 24, Cingsih Si Yinzminz Fazyen caeuq Si Fulenz bae daengz Lungzbangh Cin Damoz Cunh Siujyoz lienzhab haiguh soengq fap haeuj hagdangz hozdung, caemhcaiq soengq huqlaex caeuq hohfuk ngoenzciet bae hawj gyoengqde.

(Vangz Lihangz)

●Ndwen 5 ngoenz 23, Lingzyinz Yen hainduj aen singhgiz hozdung gohgi daengx guek bi 2018, aen hozdung neix cawjdaez dwg “gohgi cauhmoq hawj guek ak minz fouq”, doenggvaq baij banjbau、rag hwngzfuz、ciepsouh camcaz、soengq cek senhconz swhliu caeuq doxgaiq daengj fuengsik, haenqrengz cienzdoh gohyoz cihsiz. Ciuq gyoepsuenq, ngoenzhaenx gungh fat gak cungj senhconz swhliu caeuq doxgaiq fanh lai cek(gienh).

(Loz Hihhaij)

●Bineix daeuj, Sihlinz Yen nyinhcaen gvancez doek- saed gij baijbouh iugouz hong cangqheiq banggungz Cungh- yangh、Swcigih caeuq Baksaek Si, cimdoiq lajmbanj vunz gungzhoj “aenvih bingh ngaiz gungz、aenvih bingh dauq gungz” vwndiz, gyalai bued roengz ngaenzcienz, doed ok gyoengqvunz cungdenj、bingh- cungj cungdenj, gyagiengz lajmbanj vunz gungzhoj yihliuz baujcang banhfap, cienzmienh daezswng vunz gungzhoj lai roxnyinh ndaej cangqheiq.

(Cinz Yizfungh)