Ndwen 5 ngoenz 24, Namzningz Si banh ciepcoux Guengjsae Boux- cuengh Swcigih laebbaenz 60 hopbi vwnzva vwnzyi cingbinj hanghmoeg—heiqfoux 《Louz Samcej》 haibaiz yizsi. Bouh heiq neix youz Cunghgung Namzningz Siveij Senhconzbu、Namz- ningz Si Vwnzva Sinhvwnz Cuzbanj Gvangjdengiz dungjcouz hengzguh, Namzningz Si Yisuz Heiqyienh cauh- guh baizyienj, dajveh bineix ndwen 9 youq aen heiqyienh Guengjsae Vwnzva Yisuz Cungsim yienj baez nduj, soengqlaex hawj Swcigih laebbaenz 60 hopbi.

Bouh heiq neix baengh gij lizsij swhliu caeuq vunzlai giekdaej naekna Louz Samcej, yungh gij minzcuz vwnzva Guengjsae gyaeundei guh daej, baez nduj yungh gij hingzsik heiqfoux dawz gij vwnzva “sienfwen Boux- cuengh Louz Samcej” Guengjsae buen hwnj daizheiq, cungfaen langhbaij gij yinxdaeuz ciengqgo diuqfoux Boux- cuengh, hawj vunzlai daj gij yisuz daizheiq dauqcungz roxnaj gij dungx- caiz、 gaenx guh、 maenh’ak “Louz Samcej”, roxnyinh gij gyaciz rongh- lwenq “caen、sienh、gyaeu”.

Baez neix, heiqfoux 《Louz Sam- cej》 yaek baez nduj doenggvaq gij hingzsik diuqfoux dauqcungz yienj gij gojgaeq Louz Samcej gingdiemj, hawj gij gojgaeq gaeuqgeq fatok gij rengz- hoengh seizdaih moq. Bouh heiq neix yaek yungz haeuj fouxcaemzgvej、fouxaennyenz、dwklongj Bouxcuengh daengj daegsaek diuqfoux Bouxcuengh caeuq fwen yienghnduj, giethab gij gisuz meijsuz daizheiq gohgi sang, dawz gij gingjsaek byaraemx Guengj- sae gyaeundei yienh okdaeuj, hawj bouxyawj cungfaen roxyiuj ciengz yisuz ngaizhoengh saenqdaenh he.

(Vuj Cenh)