5 nyied 19 daengz 20 hauh, Gunghcwngz Yauzcuz Swciyen Minzcuz Cunghyoz banh aen hozdung “saekheu veh hagdangz gyaeundei——fwngz veh bangxciengz swnghdai”. Ngoenz haenx aen hag neix gyoengq hagseng dingj ndik dwk dawz gojgaeq vwnzva conzdungj gyaeundei Cunghvaz yungh fwngz veh hwnj gwnz baihrog veizciengz hagdangz bae.

Gunghcwngz Yauzcuz Swciyen yawjnaek saedguh hong vwnzva conzdungj gyaeundei Cunghvaz haeuj gihgvanh、haeuj lajmbanj、haeuj segih、haeuj hagdangz、haeuj giyez、haeuj ndawranz, gungganq caeuq saedguh sevei cujyi hwzsinh gyacizgvanh, cienzmienh daezswng gyoengq vunzlai swhsiengj daudwz suciz.

(Liengz Veih/梁 辉)