5 nyied 16 hauh, youq Sanh- gyangh Dungcuz Swciyen Gujyiz Cin Cunghsinh Siujyoz, boux swnjcienz “feihyiz” sigaep Vuz Hijlonz son gyoengq hagseng boq venz.

Gaenh geij bi neix daeuj, Sanh- gyangh Dungcuz Swciyen roengzrengz guh hong citheiq doihaeuj hagdangz, dawz citheiq Dungcuz、golaux Dung- cuz、yozgi Dungcuz daengj bonjdieg citheiq yisuz yinxhaeuj cungh siuj hagdangz, daj dangdieg cingj boux “feihyiz” swnjcienz、boux dinfwngz ndawbiengz daengj boux conhyez lauxsae haenx dinghgeiz daeuj hawj hagseng hwnjdangz, sawj hagseng naj doiq naj gamjsouh daengz gij rengz- hoengh citheiq, youq daezsang hag- seng vwnzva yisuz suyangj caeuq fungfouq hagseng youq ndaw hag lai cungj lai yiengh gvaq saedceij doengzseiz, rengzrwd doihaeuj mbanj- ranz “feihyiz” dinfwngz daihdaih doxcienz roengzbae.

(Gungh Bujgangh/龚普康)