Mboengqneix, roek ciz Namz- ningz hawsingz geiqloegbenq youz Cunghgung Namzningz Siveij Vai- senhban caeuq Cunghyangh Sinhvwnz Geiqloeg Denyingj Guhbenq Cangj doxgap ingj haenx gaenq haeujdaengz duenh seiz ingj, aen hanghmoeg neix gaenq liedhaeuj Namzningz Si ciep- coux Swcigih laebbaenz 60 hopbi vwnzva yisuz cingbinj hanghmoeg. Ndawde, gij yizsi Dan’gyah baenzranz yaek youq ndaw feih vuzciz vwnzva yizcanj ciendaez yienh’ok.

Vunz Dan’gyah daengx bi youq gwnz raemx guh hong gvaq ndwen- ngoenz, fungsug sibgvenq ndwen- ngoenz cungj caeuq raemx doxgvenq gaenjmaed. Gij yizsi Dan’gyah youq gwnz raemx baenzranz couh cungfaen langhbaij le gij lizsij vwnzva Dan- gyah, nem gij sinyangj caeuq maq- muengh gvaq ndwenngoenz ndei. Bi 2013, gij yizsi Dan’gyah youq gwnz raemx baenzranz ndaej senj haeuj buek daih’it Namzningz Si gaep feih vuzciz vwnzva yizcanj daiqbiujsingq mingzloeg hanghmoeg.

Namzningz Si gaep feih vuzciz vwnzva yizcanj daiqbiujsingq mingz- loeg hanghmoeg—Dieg swnjcienz gij yizsi Dan’gyah baenzranz youq ndaw Fuzgenyenz Gaihdauban Gyangh- nanzludungh Segih. Ndaw segih bonj- laiz miz geij bak boux bouxdwkbya, geij bi gonq bouxdwkbya cienzbouh hwnj hamq gvaq ndwenngoenz, gij yizsi Dan’gyah baenzranz gihbwnj couh youq gwnz hamq banh, vunz Dan’gyah cugyamq mbouj youq gwnz raemx baenzranz. Gij yizsi Dan’gyah conzdungj baenzranz aeu banh 3 ngoenz, liuzcwngz labcab. Riengz dwk “ranz vunz gwnz raemx” laebdaeb hwnj hamq gvaq ndwenngoenz, gij yizsi baenzranz liuzcwngz gaenq genj- danh guh ngoenz ndeu.

Namzningz gij yizsi Dan’gyah conzdungj baenzranz yienh’ok gij daegsaek deihfueng daegbied, lumj- baenz baenzranz ginggvaq cienzbouh dwg youq ndaw sing ciengqdanq guh- sat. Danq go dwg gij hothoh ceiq youqgaenj gij yizsi Dan’gyah baenz- ranz, mwh baenzranz ginggvaq, gyoengq beixnuengx daj gyaeuj daengz rieng buenx youq henz ndang bawx- moq, yungh gij hingzsik ciengqdanq gangjok gij cingzngeih lai bi caeuq hohfuk gyoengqde, ciengzmienh gig angqyangz caeuq ndeiyawj.

(Veiz Yenzfuz)