●Ndwen 5 ngoenz 17, Dwzbauj Yen bi 2018 cung- hagseng “ciuhvunz cangqheiq·saekloeg mbouj miz doeg” gimqdoeg yienjgangj doxdax youq aen yienh neix Daihsam Cogaep Cunghyoz banh. Haiguh hozdung, caenh’itbouh gya- giengz hong yawhfuengz gyau- yuz huq doeg haih bouxcoz nyezrauh, daezsang gij yisiz caeuq naengzlig bouxcoz nyez- rauh rox doeg、fuengz doeg、doi doeg, vih cauhguh ndawhag mbouj miz doeg dwk roengz giekdaej ndei.

(Nungz Cinvanh)

●Ndwen 5 ngoenz 19, Baksaek Si bi 2018 “5·19 ngoenz lijyouz Cungguek” Bak- saek cawjdaez senhconz nem lijyouz banggungz “cib daiq” hengzdoengh youq Baksaek Swnhlinz Gvangjcangz hainduj. Hozdung yienhciengz, doeng- gvaq vwnzyi biujyienj、miz ciengj hoizdap、fatcuengq swh- liu daengj fuengsik, senhconz doigvangq gaisau lijyouz canj- nieb caeuq lijyouz banggungz hengzdoengh aen si neix, yinx ndaej haujlai siminz daengz dieg camgya.

(Luz Feih)

●Mboengqneix, Hozciz Si Segohlenz cujciz Ginhcwngz- gyangh、Yizcouh、Lozcwngz、Vanzgyangh yen（gih） segoh- lenz, banh sevei gohyoz cienz- doh cunzdauq senhconz hoz- dung, doenggvaq laeb banjbau、fat senhconz swhliu、soengq saw segoh daengj hingzsik guh sevei gohyoz cienzdoh senhconz.

(Bungz Canghlingz)

●Ndwen 5 ngoenz 18, Yungzsuij Myauzcuz Swciyen youq Gvangjcangz Aenvenz haiguh “daengx dieg lijyouz·ndwenngoenz gyaeundei”—bi 2018 “ngoenz lijyouz Cung- guek” doxduenq Yungzsuij·youz Mbanjmyauz cawjdaez hozdung, cujciz mbangj lijyouz giyez, fat doxgaiq senhconz lijyouz hawj siminz caeuq bouxhek, banh lijyouz doi- gvangq gaisau、lijyouz camcaz daengj hozdung, langhbaij gij cingzcik Yungzsuij daengx yienh hwngfat lijyouz, angqcoux “5·19 ngoenz lijyouz Cung- guek” daeujdaengz.

(Liu Swjyenh)