●Ndwen 5 ngoenz 1 daengz 4, Dwzbauj Yen youq Guzginh Lijyouz Gingjgih laebdaeb haiguh aen hozdung doxdax caeuq langhbaij fwen、Heiq- cuengh、fouxgvangjcangz daengj, hozdung guh 4 ngoenz, vih gyoengq bouxhek soengq bae baenzdauq minzcuz vwnzva gingdiemj cezmuz, caemhcaiq yungh eu fwen、diuqfoux daengj hingzsik caeuq bouxhek guh doxdoeng, baenz fanh boux bouxhek ndaej caenndang cam- gya doxdoeng hozdung, youq ndawde ndaej daejniemh angq- yangz.

(Nungz Yungjfang)

●Ndwen 4 ngoenz 27, youq mwh daengx gih haiguh aen hozdung ndwen senhconz minz- cuz doxgiet cinbu bi 2018, Lungzlinz Gak Cuz Swciyen Sinhcouh Cin Minzcuz Segih Mbanjdouzdangz 30 lai boux beixnuengx Bouxcuengh ndang daenj buhvaq moqsag, dawz haeuxnaengj homfwdfwd daengz diegyouq vujgingj cunghdui yawj camnai gyoengq guenbing, dawz minzcuz doxgiet cinbu daiq haeuj ginhyingz bae.

(Dauz Dwzgvangh)

●Ndwen 5 ngoenz 1 dwg liggaeuq ndwensam cibroek, Yungzsuij Myauzcuz Swciyen Yungzsuij Cin Siujyungz Cunh Mbanjsihdung banh conzdungj miuhhoih hozdung, haujlai boux- hek caeuq vunzlai daj henzgyawj mbanj daeuj haenx camgya aen yizsi caeqbaiq、youq gwnz raemx doiq fwen、gouzfuk cuengq duzlix daengj hozdung, gouzmuengh fwn yinz rumz swnh、haeuxgwn fung- sou, angqhoh ciet guhhong gozci “haj it”.

(Lungz Linzci)

●Ngoenzgyaj “haj it” ngoenz daeuz, beixnuengx Yauz- cuz Lungzswng Gak Cuz Swciyen Lungzciz Cin Cunghluz Cunh ciuq fungsug sibgvenq haiguh caeq gocaz geq、ciengq go- mbaetcaz、diuq fouxmbaetcaz、lwgsau Hungzyauz langhbaij mbaetcaz daengj minzsuz hoz- dung, vih gyoengq bouxhek yienj gij fungsug conzdungj caeq caz Lungzciz cienz ndaej cien bi neix, langhbaij gij yinxdaeuz daegbied gagmiz vwnzva caz Lungzciz, yinx ndaej bouxhek gak dieg daeuj youz guhcaemz.

(Vangz Swhcang)