●Ndwen 4 ngoenz 25, Liujcouh Si Gungh’anhgiz Gunghyenz Baicuzsoj lienzhab bouxguhhong Lozciz Segih daengz segih haiguh minzcuz doxgiet senhconz hozdung, hozdung yienhciengz minz- gingj senhconz minzcuz cwngcwz caeuq faplwd fapgvi dangj hawj vunz dangdieg, fatcuengq senhconz swhliu, gejgangj gij simngeiz minzcuz cwngcwz, hawj minzcuz cwngcwz caeuq faplwd fapgvi dangj haeujlaeg simvunz.

(Cinz Fulinz)

●Geij bi neix daeuj, Liujcouh Si Yungzanh Yen haenqrengz doicaenh hwnjguh “roen lajmbanj seiq ndei”, cienzmienh gyagiengz guenj- leix ciengxhoh roenloh laj- mbanj, roenloh lajmbanj ciengxhoh lijcwngz gaenq daengz 830.688 goengleix. Muengx roen lajmbanj cw- goemq gvaengxlaengx caeuq najroen daengjgaep mbouj- duenh daezswng, fuengbienh vunzlai diegbya okrog、bang doi lajmbanj saenqhwng.

(Veiz Yungzginh)

●Bineix ndwen 4 doxdaeuj, Lozyez Yen youq daengx yienh 88 aen hingz- cwngcunh(segih) hailaeb “gvangjbo iq lajmbanj”, gvangqlangh senhconz gij banhfap fuengcim hong vut gungz gunggeng, aeu sing- yaem dangj caeuq cwngfuj cienz daengz lajmbanj, vih vut gungz gunggeng okrengz. Seizneix hailaeb miz sing- yaem cungjsuhgi cienz fanh ranz、fap youq lanz senhconz henz ndang、cienz sing cwngcwz leih beksingq daengj boqyaem lanzmoeg.

(Vuj Gozyouj)

●Geij bi neix daeuj, Cingsih Si Vadung Cin gaenxmaenx diuzcingj canj- nieb gezgou, doenggvaq canj- nieb daiqdoengh、dinfwngz daiqdoengh、fugsaeh daiq- doengh, haenqrengz hwngfat ndaem mak, seizneix ndaem miz makit、makbakhom、mak- gamdiengz、makdoengj daengj 10000 lai moux, bang vunzlai gungzhoj vut gungz.

(Vangz Anhcungh)