Geij bi neix daeuj, Liujcouh Si doenggvaq gij fuengsik cwngfuj haeuj- coengh、cungdenj gungganq, ndaw- biengz camgya、canjnieb hwngfat, lai dieg doxgap, haenqrengz gaujhoengh conzdungj gunghyi, hwngfat gij canj- nieb vwnzva minzcuz vunznoix, bang- rengz vunzlai dieg gungzhoj cinjcing vut gungz.

It dwg swnjcienz caeuq hwngfat gij canjnieb dajsiuq minzcuz. Liujcouh Si Dungcuz、Myauzcuz caeuq Yauzcuz dajsiuq swhyenz gig lai, lizsij gyaeraez, ndawde Siuqdung caeuq Siuqmyauz gaenq liedhaeuj swcigih gaep “feihyiz” mingzloeg. Geij bi neix daeuj, Liujcouh Si haenqrengz doidoengh swnjcienz dinfwngz conz- dungj, cujciz bouxswnjcienz dawz dinfwngz Siuqdung、Siuqmyauz son- gyauq hawj mehmbwk dangdieg, caemhcaiq banh senhconz langhbaij hozdung、doxdax dajveh huqsiuq caeuq doxdax dinfwngz, caeuq gauh- yau daphwnj aen bingzdaiz doxdap, doengzcaez yenzgiu haifat gij huq dajsiuq gai daengz ndaw guek rog guek, bangrengz vunzlai vut gungz laisou.

Ngeih haenqrengz gungganq gij canjnieb veh bouxguhnaz. Sanhgyangh Dungcuz Swciyen conzdungj veh bouxguhnaz lizsij gyaeraez, mingz- daeuz riuz gyae. Doenggvaq banh aen ban son’gyauq veh bouxguhnaz、hwnjguh aen bozvuzgvanj veh boux- guhnaz、laebbaenz aen yozvei veh bouxguhnaz、banh ciet yisuz veh bouxguhnaz daengj fuengsik, miz lai fuk veh bouxguhnaz ndaej gak sengj si meijsuzgvanj souyo, mizmbangj veh lij soengq daengz Yizbwnj、Fazgoz daengj guekgya camgya langhbaij, daezsang le gij rengzyingjyangj caeuq mingz- daeuz veh bouxguhnaz Dungcuz. Doengzseiz, gaenxmaenx dajcauh gij vunqsik “gunghswh+gihdi+densangh+canghveh”, byaij ok diuz roen vut gungz baenz miz veh gai caez guh he.

Sam dwg yawjnaek vatcimh gij haedsim vwnzva minzcuz, gungganq vunzcaiz swnjcienz, daezswng minzcuz vwnzva canjnieb. Doenggvaq “yinx haeujdaeuj” caeuq “byaij okbae”, gyagiengz gungganq vunzcaiz bonj- dieg, gikfat gij rengzhoengh cauhmoq cauhguh bonjfaenh, byaij ok diuz roenmoq hwngfat swnghdai hanzyangj vwnzva dieg minzcuz vunznoix he.

(Van Gvanghbingz)