●Ndwen 4 ngoenz 19, Daizvanh Vahlenz Yen Fungh- binh Yangh aen canhfangjdonz minzcuz vunznoix 32 boux vunz daengz Denzlinz Yen Licouh Yauzcuz Yangh Fuzsiengz Cunh Mbanjnazbingz haiguh aen hoz- dung lienzhaeh cingzngeih angq- gvaq “sam nyied sam Boux- cuengh”, hozdung guh byongh ngoenz. Youq Mbanjnazbingz, canhfangjdonz caeuq vunzlai dangdieg doenggvaq Daizvanh fungcingz gofoux、fwen Boux- cuengh、biujyienj Heiqcuengh、doxhag vahgangj daengj fuengsik, doxgyau cingzngeih doxhag vwnz- va.

(Luz Funggingh)

●Ndwen 4 ngoenz 18, Namzningz Si bi 2018 “sam nyied sam Bouxcuengh·aen ciet angq Guengjsae” youq Namzningz Huzminzgoh haimuq. Hozdung dajcauh doiok “bak boux cangh- fwen eu fwen” “bak boux meh- siuqva yienj dinfwngz” “bak vunz bau aendomq” daengj hozdung ndeiyawj, haenqrengz langhbaij gij vwnzva cietfwen ndeiyawj caeuq gak dieg feihyiz ndeindei doxcomz.

(Bangz Linaz)

●Sam nyied sam geizgan, Gunghcwngz Yauzcuz Swciyen doenggvaq lai diuz roenloh, lai cungj hingzsik fatcuengq senh- conz swhliu、nem vehsenhconz、venj fuk baengzhoengz byauhyij, yungh goeng’ik denswj bingzmuq boqcuengq minzcuz cwngcwz、faplwd fapgvi caeuq minzcuz gihbwnj cihsiz daengj hingzsik haiguh senhconz, haenqrengz senhconz daengx yienh gvancez doeksaed fapgagguenj dieg minz- cuz、gij cingzcik yienhda coicaenh ginghci ndawbiengz hwngfat.

(Cwng Ciminj)

●Ndwen 4 ngoenz 18, dwg ngoenzgyaj daeuz “sam nyied sam Bouxcuengh” Guengjsae, Yungz- suij Myauzcuz Swciyen Cuengh、Myauz、Dung daengj minzcuz vunznoix banh doiq fwen、ngaiz- bakranz daengj hozdung, angqhoh “sam nyied sam Bouxcuengh”, Yungzsuij gak gingjgih doiok max doxdik、aenvenz caijdangz daengj minzsuz fungcingz biujyienj yinx ndaej haujlai bouxhek.

(Liu Swjyenh)