4 nyied 10 hauh, Luzcai Yen Bingzsanh Cin Eufwen Gvangjcangz vunz lai vunz daih、sing fwen goksasa. Ngoenz haenx, aen yienh neix angqcoux “sam nyied sam” hozdung sien youq gizneix baij daizfwen doxdax, 38 doiq 76 boux canghfwen hwnjdaiz yienj bonjsaeh, ciengjdued Gvangjsih “seiq singgaep fwenvuengz”, doek- laeng bingz ok “Gvangjsih fwenvuengz” 4 boux, lij bingz ok 8 boux canghfwen ndei.

Ciuq cam rox, hawj mbat daizfwen doxdax neix guh bingzveij haenx miz 7 boux lauxhangz daj Gvangjsih Hawfwen Hezvei、Gvangjsih Fwencuengh Cungjvei caeuq Liujcouh Hawfwen Hezvei daeuj. (Lai Genveih/赖建辉)