Vihliux gvancez lozsiz Cunghsenhbu、Guekgya Minzveij、Denyingjgiz benqgeiqloeg denyingj《Ak Lo, Aen Guek Raeuz》hong bienhoiz vah minzcuz vunz- noix, youz Yungzsuij Myauzcuz Swciyen Minzcunghgiz cujciz heuhcomz, yienh Minzyijgiz daengj doxgven bumwnz caeuqfaenh guh, hong bienhoiz banj vah Yungzsuij bouh denyingj neix cingq baez bouh baez bouh doi baenaj, mizmuengh caet nyied it hauh ndaej caeuq bouxyawj raennaj.

Aen benq neix hopheux Siz Ginbingz seizdaih moq Cungguek daegsaek sevei cujyi swhsiengj, sengdoengh caiqyienh le Cibbet Daih dangj gvaq- daeuj, Cungguek youq banggungz、guh vwnzmingz swnghdai、yihliuz baujcang daengj fuengmienh ndaej gij cingzcik hungloet haenx, langhbaij le haj bi neix daeuj youq aen leixniemh hwngfat moq cauhmoq、doxdaengh、saekloeg、hailangh caeuq caezyungh lajde ndaej gij cingzcik hungmbwk, yienh’ok le cingsaenz buekguh Cungguek yinzminz youq gwnz loh cienz- mienh guhbaenz sevei siujgangh haenx, dwg benqgeiqloeg denyingj gig miz saen’eiq cungmuenx cwngnwngzlieng he.

(Mungz Vazcingh/蒙华清)