●Bineix daeuj, mienh- doiq gij atlig ginghci gyod- roengz, Lozyez Yen cawjdoengh wngqdoiq, giengzvaq banhfap, vat rengzndumj laisou, daengz ndwen 3 ngoenz 31, aen yienh neix caizcwng souhaeuj guhsat 7400 fanh maenz, doengzbeij gyalai 42.17%, guhsat 28.34% nienzdoh yinvu; ndawde yienh gaep gvaehsuiq souhaeuj guh- sat 2241 fanh maenz, doengz- beij gyalai 93.36%.

(Cwng Cihcingh)

●Geij bi neix daeuj, Sanhgyangh Dungcuz Swciyen baengh gij ndei swhyenz faex- cuk, haenqrengz doihengz gij vunqsik “gunghswh+gihdi+nungzhoh”, cungdenj yinxhaeuj caeuq gungganq aen giyez lingxdaeuz, haenqrengz guh- ndei diuz lienh canjnieb “canj、gung、gai”, daezswng gij gyaqbengxbouj huq faexcuk, daezhawj vunzlai gungzhoj engq lai seizheiq couhnieb, doenggvaq canjnieb daiq- doengh bangrengz nungzhoh vut gungz baenz miz.

(Bangz Gwzbingz Gungh Bujgangh)

●Ndwen 4 ngoenz 14, ciet lijyouz vwnzva faexhanz Guengjsae·Yaloz youq Hozciz Ginhcwngzgyangh Gih Bauj- bingz Yangh Yaloz Cunh haimuq. Baez ciet lijyouz neix hozdung lai yiengh ndeiyawj, cawz aen yizsi caeqcuengq faexhanz、doxdax faexhanz、max doxdik daengj langhbaij feihyiz vwnzva, lijmiz fwenvuengz doxdax、minzsuz fungcingz、humx dongfeiz ciengqgo、ep bya、faexhanz gunghyibinj daengj minzsuz hozdung dem.

(Cuh Yaujlingz)

●Ndwen 4 ngoenz 12 banhaet, daihsam gaiq Cung- guek—Dunghmungz Minzcuz Vwnzva Lundanz youq Guengj- sae Cungzcoj Si banh aen haimuqsik. 130 lai boux laux- hangz、bouxhek daj Cungguek、Dunghnanzya guekgya、Au- daliya daengj 11 aen guekgya caeuq dieg daeuj haenx camgya lundanz nem haimuqsik, dwg gak gaiq camgya lauxhangz faenbouh Dunghmungz guekgya ceiq lai ndeu.

(Vuz Yij Yenz Lizcwng)