Vih coicaenh doigvangq yungh saw vah minzcuz, Hocouh Si Minz- cunghveij、Minzyijveij gaenxmaenx boiqhab daengx si gak mizgven bouhmonz, guhndei hong youq mwh aen hozdung baenzdauq “sam nyied sam Bouxcuengh·angj cietndei Guengjsae” bineix yungh saw vah minzcuz.

Aen si neix ciuq Swcigih Minz- yijveij doengjit baijbouh, gyagiengz caeuq senhconz、gyauyuz、vwnzva、dijyuz、lijfazveij、gvangjden daengj aen danhvei cawjbanh、cujyau ciepbanh、bangbanh baenzdauq hozdung“sam nyied sam Bouxcuengh” doxdoeng lienzhaeh, cawjdoengh daezhawj saw vah minzcuz vunznoix daegbied dwg fugsaeh fanhoiz Sawcuengh, gaenx- maenx doxyaeng boqcuengq、venj、nem gij senhconz byauhyij Cuengh Gun song cungj saw swcigih vwnzgen doengjit iugouz haenx, gij hoihbiu、dozbiu、ciengzbeigingj baenzdauq hozdung yungh Cuengh Gun song cungj saw, fatcuengq senhconz swhliu, caux ok gij ndawbiengz heiqfaenh angqyangz、huzndei、angqhoh, sonyinx gak gvendaengz bouhmonz youq “sam nyied sam Bouxcuengh” geizgan haiguh minzsuz vwnzva hozdung caenhliengh yungh gij biujyienj hingzsik vahdoj、vahdeihfueng daengj “vahmbanj”vunzlai gak minzcuz dangdieg gyaez dingq maij yawj、doengsug rox ngaih haenx; bouxcujciz cujciz hozdung（cezmuz）、lingjdauj bouxhek gangjvah daengj caenh- liengh yungh Vahbujdungh caeuq vah minzcuz dangdieg, yienh’ok gij daegsaek vwnzva vah minzcuz aen si neix, langhbaij gij saedceij vwnzva vahgangj lai cungj vah huzndei aen si neix.

(Cau Ginhbinh)