Ndwen 4 ngoenz 5, dwg ciet cingmingz bi gvaq baez haenx, Sanhgyangh Dungcuz Swciyen Duzdung Cin Bingzliuz Cunh sing aenzvenz baenz raq baenz raq, geij cien boux beixnuengx Dungcuz mbanj henzgyawj doxcomz Bingzliuz Cunh, yungh doxdax boq aenvenz hozdung ndiepniemh cojcoeng, swnjcienz vwnzva Dungcuz, caez maeuzveh doxgiet hwngfat, muengh bi moq fwn yinz rumz swnh、haeuxgwn fungsou. Ciuq cam rox, youq binaengz ciet cingmingz ngoenzhaenx, gyoengq lwgmbauq ca mbouj geij lai cib aen mbanj henzgyawj Bingzliuz Cunh cungj gwed aenvenz doxcomz youq gizhaenx, mbouj faen hwnzngoenz doxdax boq aenvenz. Neix dwg mbanj caeuq mbanj doxdax, mboujdan ndaej coicaenh beixnuengx Dungcuz doxgiet doxgap, youh ndaej hawj vwnzva Dungcuz daihdaih doxcienz, gangjok gij cingz beixnuengx Dungcuz aeueiq caeuq gyo’mbaiq cojcoeng. Ndaw doz dwg beixnuengx Dungcuz cingq boq aenvenz.

(Vuz Dingzvanj/吴婷婉)