●Ndwen 3 ngoenz 24 dwg daih 23 aen “ngoenz seiqgyaiq fuengzyw binghgezhwz”, ngoenz- haenx banhaet, Baksaek Si You- gyangh Gih Veigigiz cujciz ciz- gung cungsim、yihyen dieg guenjleix caeuq segih veiswngh fuzvu cungsim youq swnhlinz gvangjcangz haiguh aen senhconz hozdung cawjdaez dwg “haiguh gietsat gezhwz hengzdoengh, caez hwnj caezyiengj cangqheiq Cung- guek”.

(Vangz Lanzcunh)

●Vih buqgej gij nanzdaez bouxguhnaz laisou, hawj boux- guhnaz vaiqdi saedyienh vut gungz baenz miz, Denzlinz Yen Bwzloz Yangh laebdin saedsaeh caemh- caiq ciuqei gij senhcin gingniemh dieg wnq, gaenxmaenx damqra gya’gvangq diuz roen mbanj- gungzhoj coi bouxguhnaz laisou, daiqdaeuz youq Mbanjbanjgan aen yangh neix laebbaenz 50 moux diegguhyiengh ndaem makgam, haenqrengz dazyinx ranzgungzhoj camgya.

(Vangz Gveiyangh)

●Bineix daeuj, Sihlinz Yen Giveij、Genhveij gaijbienq gax- gonq gij conzdungj senhconz fuengsik laeb daizcamcaz、fat mbawdan senhconz, yungh gij gofoux lenzcwng、banggungz siuj- binj daengj vwnzyi cozbinj dang- dieg minzcuz vunznoix gag bien gag cauh haenx, youq daengx yienh 8 aen yanghcin haiguh banggungz lingjyiz caeuq cozfungh vwndiz cingjceih cunzdauq yienj- ok, diuhdoengh gij gaenxmaenx- singq gyoengq vunzlai camgya banggungz lingjyiz nduknaeuh caeuq cozfungh vwndiz cienhangh cingjceih hozdung.

(Banh Meijyangh)

●Geij bi neix daeuj, Loz- cwngz Mulaujcuz Swciyen haenq- rengz hengzguh “hwngfat buek canjnieb vut gungz he” gungh- cwngz, doenggvaq cwngcwz daz- yinx、dinfwngz sonyinx、ngaenz- cienz bangcoengh daengj banhfap, gvangqlangh dazyinx vunzlai doenggvaq gij vunqsik “gungh- swh+hozcozse+gihdi+nungzhoh”, hwngfat nonsei、gaujien、youzcaz、byaek daengj cujdauj canjnieb, guhbaenz gij canjnieb hwngfat gwzgiz “it mbanj lai yiengh、it mbanj it yiengh”, bang vunzlai gungzhoj vut gungz baenz miz.

(Se Sunhwngz)