Mboengqneix, heiq gofoux caij- diu 《Louz Samcej》 Aen Heiqyienh Guengjsae youq Sinhgyahboh Swng- dauzsah Mingzswng Seiqgyaiq TM Heiqciengz yienjok ndeiyawj. Hawj baenz fanh boux bouxyawj dangdieg yawjngonz gij funghcaij Louz Samcej daihmoq.

Heiq gofoux caijdiu 《Louz Samcej》 youq bi 1958 cauhbaenz, dwg gij ginghdenj yisuz daizheiq Cungguek. Bouh heiq neix 5 baez haeuj Cunghnanzhaij、4 baez haeuj Vaizyinzdangz gvaq, daengz seizneix gaenq youq ndaw guek rog guek yienjok 2000 lai ciengz, dwg gij ginghdenj yisuz daizheiq Cungguek. Geijcib bi daeuj, heiq caijdiu《Louz Samcej》hoengh daengz daengx guek gak dieg gvaq. Ginggvaq Guengjsae baenz daih baenz daih “Louz Samcej” yienjok, gaenq baenz mbaw vwnzva mingzben Guengjsae.

Bouh heiq neix aeu caizliuh daj gij gojgaeq cienznaeuz Louz Samcej canghfwen Bouxcuengh, yungh gij gyaepgouz doiq swyouz caeuq vuenyungz saedceij haenx guh cawjdaez, lwnhgangj le gij gojgaeq Louz Samcej vih henhoh gij swyouz caeuq viyiemz ciuhvunz, yungh fwen cengqgengz dingjhoenx, dajcauh le gij yienghsiengq Louz Samcej gaenx guh simsienh、coengmingz gyaeundei、cingqheiq gamjgangj、eu ak foux ak.

Baez neix, cujyau ndangfaenh ndaw heiq Louz Samcej youz guekgya it gaep bouxyienj、boux vunz miz gij cwngheuh “daih daihhaj Louz Samcej” Cungguek Vangz Yijgyah yienjok, de youq ndaw heiq yienjok ndeiyawj ndaej daengz bouxyawj dopfwngz huhu. Buhvaq minzcuz gyaeundei lai yiengh, diuqfoux Bouxcuengh ndeiyawj raixcaix, fwen rwenz rwz dangqmaz, vunz gyaeu, gingj gyaeu, fwen gyaeu, yienjok le daih ginghdenj he.(Lij Cunghvwnz)