Bonjbauq siusik(gicej Cau Dwzfeih) Ndwen 3 ngoenz 23 ban- ringzgvaq, “Aen Yizsi Ciemdingh Canghraiz Sawcuengh” youq Namz- ningz banh, cawjbanh danhvei Gvangjsih Minzcuz Bause caeuq 5 boux canghraiz Sawcuengh ciem- dingh bi ndeu. Ciemdingh hozdung ndaej daengz lingjdauj gaep baihgwnz cawjguenj bouhmonz yawjnaek caeuq haeujcoengh, Swcigih Minzyijveij fuj- cujyin Veih Yungjhungz fat siusik daeuj hawj bause naeuz aeu nyinh- caen banh ndei aen hozdung ciem- dingh, dawz ciemdingh banh baenz hangh hozdung senhconz hong saw vah minzcuz、senhconz gij saehnieb minzcuz doxgiet cinbu ndeu.

Gvangjsih Minzcuz Bause haiguh aen hozdung ciemdingh canghraiz Sawcuengh, dwg gij aeuyungh gvancez doeksaed gij cingsaenz youqgaenj gangjvah mizgven hong saw vah minzcuz Swcigih Dangjveij、Cwngfuj lingjdauj haenx. Bi 2017 ndwen 11 ngoenz 29, swcigih cujsiz Cinz Vuj youq gwnz aenhoih geiqniemh Goz- vuyen baecinj fatbouh 《Fueng’anq Sawcuengh》 60 hopbi nem Gvangjsih Bouxcuengh Swcigih byaujcangh senhcin hong saw vah minzcuz vunznoix gangjvah ndawde naeuz: Banj Sawcuengh 《Gvangjsih Minzcuz Bau》《Sam Nyied Sam》 cazci baenz gizdieg youqgaenj senhconz dangj caeuq guekgya dacwng fuengcim、gungganq boux vunzmoq vwnzyoz Sawcuengh. Bause banh aen hozdung ciemdingh canghraiz Sawcuengh, muzdiz vih caenh’itbouh gvancez doeksaed gij cingsaenz youqgaenj gangjvah swcigih lingjdauj, cungfaen fatok banj Saw- cuengh 《Gvangjsih Minzcuz Bau》gij cozyung dangguh gizdieg youqgaenj gungganq vunzcaiz raiz faenzcieng Sawcuengh, cungfaen fatok gij cawj- doenghsingq caeuq gaenxmaenxsingq raiz faenzcieng canghraiz Sawcuengh.

Gyoengq canghraiz Sawcuengh baez ciemdingh neix dwg Yiz Ciz、Yinj Fuzgen、Cungh Hihcwngh、Luz Yuz- gangh、Lingz Siuyangh daengj 5 boux, gyoengqde daj gak hangz gak nieb daeuj, miz mbangj dwg canghraiz Sawcuengh bouxguhnaz daj lajmbanj daeuj, ciengzseiz yungh Sawcuengh daeuj raiz faenzcieng, raiz faenzcieng gaenq gig lai gig nanz lo, haujlai faenzcieng Sawcuengh ndaej gak gaep ciengj gvaq.