Bi 2017 doxdaeuj, Lozyez Yen yungh vwnzva leih beksingq guh cungdenj, lai diuz roenloh couzcomz ngaenzcienz, yawjmaenh aen cungsim gunghgung vwnzva fuzvu mbanj- gungzhoj、hwnjguh ranzsaw nungz- gyah、hwnjguh gij giekdaej gvangjbo yingjsi daengj, cingjhab gak loih hanghmoeg ngaenzcienz, haenqrengz boujcaez gij vwnzva giekdaej sezsih mbanj gungzhoj, bang doi daengx yienh hong vut gungz gunggeng mboujduenh hwngfat ndei.

Gij sezsih aen cungsim gungh- gung vwnzva fuzvu ngoenz caezcienz gvaq ngoenz. Bi 2017, aen yienh neix ndaej swcigih mbanj gaep hwnjguh aen cungsim gunghgung fuzvu hangh- moeg 12 aen, bued roengz 300 fanh maenz sien hwnjguh gij giekdaej sezsih gunghgung vwnzva mbanj gungzhoj. Moix aen mbanj gungzhoj cungj hwnjguh miz aen laeuzcunghab gunghgung fuzvu ndeu、aen lanz- giuzcangz ndeu、aen daizheiq ndeu、faq senhconz vwnzvalanz ndeu, gapguh aen doihvwnzyi ndeu、aen doihdijyuz ndeu, lij boiqsoengq aen dennauj、2 aen daizbinghbangh、aen gyaqmuengx gibaizgiuz ndeu、2 aen gvih cang vwnzgen、gij doxgaiq lienhndang yungh nem buek saw caeuq daiz daengq ndeu hawj moix aen dieg hanghmoeg mbouj aeu cienz.

Linghvaih, aen yienh neix lij haenqrengz gaijgez gij vwndiz cing- saenz vut gungz vunzlai gungzhoj. Bi 2017, aen yienh neix guhsat 20 aen mbanjgungzhoj lawhmoq gij saw ranzsaw nungzgyah caeuq boiqdap gij giekdaej sezsih, nyinhcaen haiguh vwnzva roengz mbanj hozdung, ndawde guh comzyienj vwnzyi gij cingsaenz Cibgouj Daih dangj 26 ciengz, soengq doiqcieng daengz nungzhoh ca mbouj geijlai 10000 fuk. Vih gaijgez gij vwndiz ranz gungzhoj yawj densi hoj, aen yienh neix guhbaenz gvangjbo densi “mbanj- mbanj doeng” gunghcwngz 88 aen、“ranzranz doeng” gunghcwngz 31154 dauqranz, bi 2017 ceng’aeu daengz 2700 dauq “ranzranz doeng” veisingh ciepsou sezbei fatcuengq hawj vunzlai hojnanz mbouj aeu cienz.

(Vangz Yigaij Veiz Yungjlingz)