●Ndwen 3 ngoenz 5, Bak- saek Si Yougyangh Gih hainduj “gangj vwnzmingz、miz gungh- dwz、laeb heiqmoq” hag Leiz Fungh gagnyienh fugsaeh hoz- dung, 100 lai boux bouxgag- nyienh bouxcoz daj gak danhvei caeuq aen donzdij simndei daeuj haenx faen bae daengz segih、gvangjcangz daengj, vih siminz daezhawj daeqgyaeuj、yawjbingh mbouj aeu cienz、 son’gyauq dinfwngz gouqgip daengj gagnyienh fugsaeh, sonyinx gyoengq vunzlai doengz- caez camgya daengz swnjcienz gij cingsaenz Leiz Fungh bae.

(Luz Gez)

●Ndwen 3 ngoenz 7, Bingzgoj Yen Yinzminz Genj- cazyen lienzhab yenfulenz、fazyen、 gungh’anhgiz daengj youq Bingzgoj Yen Lezsw Lingz- yenz Gvangjcangz haiguh aen hozdung “sam bet”senhconz camcaz aen singhgiz hen gij gienz mehmbwk, doenggvaq fat cienzdoh faplwd senhconz swh- liu、gejdoeg faplwd cwngcwz、gejdap faplwd camcaz daengj fuengsik vih mehmbwk gvaq roen daez- hawj faplwd fugsaeh.

(Yenz Singhmingz)

●Ndwen 3 ngoenz 8, Liuj- couh Si Sanhgyangh Dungcuz Swciyen banh “comzgiet gij rengz mehmbwk, bangrengz cinjcing vut gungz” bak boux mehdajcawj dwk youzcaz doxdax, 200 lai boux mehmbwk ndang daenj buhvaq moqsag caemhdaiz dox- dax, yienhciengz langhbaij gij vwnzva gijgwn daegsaek dwk- youzcaz Mbanjdung. Sanhgyangh “Dungcuz dwkyouzcaz” dwg gij laex ceiq sang daihhek Mbanj- dung ndawde cungj ndeu, bi 2014 gaenq liedhaeuj swcigih gaep “feihyiz” mingzloeg.

(Gungh Bujgangh)

●Ndwen 3 ngoenz 7, youq ciet mehmbwk “sam bet” daeuj daengz gaxgonq, Sangswh Yen Fulenz lienzhab gak danhvei cujciz haiguh baenzdauq hoz- dung yungh “hwnjguh fapceih Cungguek·mehmbwk cingq hengzdoengh” guh cawjdaez haenx. Hozdung neiyungz miz biujyienj vwnzyi、senhconz fanj gyaranz bauqlig、yawjbingh mbouj aeu cienz hozdung daengj, hozdung lai cungj lai yiengh yinx ndaej haujlai vunz daeuj camgya.

(Bungz Yenjho)