Gozvuyen cungjlij Lij Gwzgyangz ngoenz 5 youq seiz guh gij baugau guhhong cwngfuj naeuz, genhciz caeuq laebndei gij cidu gagguenj dieg minzcuz, cienzmienh gvancez gij minzcuz cwngcwz dangj. Laebdaeb gyagiengz haeujcoengh hwngfat dieg minzcuz、minzcuz gyaeujvunz haemq noix. Cujciz ndei aen hozdung Gvangjsih Bouxcuengh Swcigih、Ningzya Veizcuz Swcigih laebbaenz 60 hopbi. Gyagiengz gak minzcuz dox baedauq doxgyau doxyungz, hawj Cunghvaz minzcuz gungdungzdij goekgaen engqgya maenhsaed、diuzsai engqgya maenh.

Lij Gwzgyangz naeuz, aeu cienzmienh gvancez gij fuengcim gihbwnj hong cunghgyau, genhciz cunghgyau guek raeuz aeu ciuq gij saedsaeh cingzgvang Cungguek, coicaenh gij gvanhaeh cunghgyau cangqheiq huzndei, fatok gij coz- yung gaenxmaenx vunz cunghgyaugai caeuq vunzlai saenq cunghgyau youq ndaw coicaenh ginghci ndawbiengz hwngfat.

Aeu nyinhcaen doeksaed gij cwngcwz gyauzvu, henhoh gij gienz habfap gyauzbauh rog guek caeuq gveihgyauz gyauzgen, vih gyoengqde youq seiz hwnjguh guekgya yendaiva fatok gijndei daegbied caeuq gij cozyung youqgaenj cauh engq ndei diuzgienh, gikleih lwglan Cunghvaz ndaw guek rog guek caemhsim buekguh、caez cauh ok cingzcik hungmbwk.

(Sinhvazse)