2 nyied 28 hauh, liggaeuq ndwencieng cibsam, dwg Yungzsuij Myauzcuz Swciyen Anhdai Yangh aen hoihbo cibsam conzdungj he. Baenz fanh Myauzcuz、Yauzcuz、Dungcuz daengj siujsoq minzcuz beixnuengx daj seiqlengq daeuj haenx daenj buh vaq ngoenzciet, comz youq itheij, boqvenz、diuq fouxcaijdangz、diuq fouxvenz、yawj max doxdik daengj, vuenvuen heijheij angqyangz hoh cibngux.

Ciuq cam rox, Yungzsuij Anhdai Yangh hoihbo cibsam daengz seizneix gaenq miz it bak lai bi lizsij. Bineix hoihbo cibsam boux maijgyaez minzsuz caeuq boux maijingjsiengq geij cien vunz daj daengx guek gak dieg daeuj haenx, gya hwnj vunzlai dangdieg baenz fanh vunz, sing venz sing fwen, diuq fouxcaijdangz mbouj dingz, youq ndaw sing gyonglaz daihgya dox baiqnienz, biujdap doiq fungsou angqyangz caeuq maqmuengh rumz swnh fwn yinz. (Suz Cin/粟 俊)