●Bineix ndwencieng geizgan, Vuzcouh Si gak gingjgih、dieg lijyouz lajmbanj caeuq nungzgyahloz doiok le gak cungj minzsuz vwnzva hozdung, yinx ndaej haujlai bouxhek bae youz. Ciuq gyoepsuenq, aen si neix ndwencieng geizgan gungh ciepdaih bouxhek 126.03 fanh vunzbaez, doengzbeij gyalai 35.07%, saedyienh lijyouz siuhfei 7.75 ik maenz, doengz- beij gyalai 33.44%.

(Cungh Dwzyen)

●Mungzsanh Yen youq bineix ndwencieng geizgan, cawz youq yienhsingz banh foux lungz、foux saeceij caeuq gak cungj vwnzyi biujyienj hozdung le, lij haiguh vwnzyi haeuj Mbanjyauz yienjok hoz- dung, daiq vwnzyi cezmuz maenhndei bae yienjok hawj vunzlai yawj, caux ok gij heiqfaenh ngoenzciet angq- yangz huzndei.

(Dai Lenzswngh)

●Mboengqneix, Lingz- yinz Yen Yihungz Yauzcuz Yangh Lenzdwngh Cunh caeuq Lozfung Cunh lienzhab banh bi 2018 ndwencieng minzsuz vwnzva lenzyiz hozdung, gyoengq beixnuengx Yauzcuz mbanj henzgyawj doxcomz giz ndeu, doenggvaq minzsuz comzyienj、bau aendomq、bengcag doxdax、eu fwen daengj conzdungj minzcuz minzsuz hozdung, caez gangj gij cingzngeih minzcuz, caez gvaq cietndei ciengmoq.

(Cinz Myauzswngh)

●Ndwen 2 ngoenz 25, Yungzanh Yen banh aen hoih cienciengz ciu vunzhong dieg senj dieg bangfuz anyouq caeuq bi 2018 “rumzcin hengzdoengh” Guengjdoeng Guengjsae guh hong doxgap, 139 aen giyez daj Baekging Si、Guengjdoeng Swngj Can- gyangh Si、Guengjsae Liujcouh Si daengj swngj si daeuj haenx, daezhawj gvaigi、baujan、dengungh daengj 10000 aen couhnieb gangjvei, hawj vunzlai gungzhoj dieg senj dieg bangfuz anyouq saedyienh gij moegbiu “senj ok ndaej、youq roengz ndaej、ndaej couhnieb、miz souhaeuj onjdingh”.

(Danz Gaijhingh)