Geij bi neix daeuj, Hozciz Si yawjnaek hwngfat minzcuz vwnzva、minzcuz gyauyuz、minzcuz dijyuz daengj gak hangh saehnieb, aeundaej hwngfat moq.

It dwg haiguh hong bangbouj haeujhag hagseng maenhndei minzcuz vunznoix daegbied gungzhoj. Bi 2017 ceng’aeu ndaej 40 fanh maenz ngaenzcienz cienhangh bangbouj haeujhag hagseng maenhndei daeg- bied gungzhoj, gaijgez le 212 boux hagseng maenhndei minzcuz vunznoix daegbied gungzhoj haeujhag hoj vwndiz. Bangbouj daihhagseng 94 boux, moix boux bangbouj 3000 maenz, gungh bangbouj 28.2 fanh maenz; bangbouj gauhcunghswngh 118 boux, moix boux bangbouj 1000 maenz, gungh bangbouj 11.8 fanh maenz.

Ngeih dwg guh ndei bauq ancoh aenmbanj daegsaek. Hwnjguh buek diegguhyiengh aenmbanj daegsaek gig miz daiqbiuj he, baujlouz le buek minzcuz daegsaek vwnzva caeuq daegsaek ranzgaeuq he. Bi 2017 daengx si gungh ceng’aeu ndaej baecinj ancoh 5 aen mbanj daegsaek guekgya gaep, ceng’aeu doeksaed soqliengh aenmbanj daegsaek guekgya gaep ciemq daengx gih 13%, youq daengx gih vih daihngeih.

Sam dwg gaenxmaenx banh daengx si bouxcoz nyezrauh minzcuz dijyuz doxdax. Bi 2017 youq Vanzgyangh banh daengx si bouxcoz nyezrauh minzcuz dijyuz doxdax, 11 aen yienh(si、gih) doihdaiqbiuj、200 boux yindungyenz camgya doxdax, doidoengh daengx si minzcuz dijyuz haeuj hagdangz hozdung.

Seiq dwg guh ndei hong swnjcienz、baujhoh caeuq hwngfat minzcuz vwnzva. Anbaiz minzcuz bouhmonz bae daengz minzcuz yangh haiguh diuyenz minzcuz vwnzva caeuq aen hozdung angqhoh ngoenzciet minzcuz; dazyinx Vanzgyangh Yananz Yangh ciet faenlungz、 Denhngoz Yen “ciet va’gyaeuq” caeuq ciet caemzgvej caeuq Duh’anh、 Bahmaj、 Dava sam yienh Yauzcuz “ciet cuzcu”. Banh aen ban son’gyauq soucomz gij swhliu 《Guengjsae Doengceiq·Minzcuz Ceiq》 Hozciz Si、aen hoih yaenglwnh vwnzva angqhoh ngoenzciet Yauzcuz Hozciz Si bi 2017 daengj, diucaz 142 aen hozdung angqhoh ngoenzciet minzcuz, raiz faenzgauj 《Guengjsae Minzsuz Ciet- hoih Mingzloeg》, vih baujhoh caeuq hwngfat minzcuz vwnzva dwk roengz giekdaej maenhndei.

(Hozciz Si Minzcunghveij)