●Ndwen 1 ngoenz 28, Sanh- gyangh Dungcuz Swciyen Baz- gyangh Cin Bazdouj Cunh Mbanj- cunghcauz, gyoengq beixnuengx Dungcuz ndang daenj buhvaq minzcuz moqsag gyaeuget, youq gwnz aen daizheiq ngamq laeb moq, yungh dohyeh、aenvenz caij- dangz、gwn ngaizbakranz daengj fuengsik, angqcoux ciengmoq daeujdaengz.

(Gungh Bujgangh)

●Bi 2017 doxdaeuj, Denz- linz Yen dawz canjnieb oijdangz dangguh gij canloz cungdenj daengx yienh ginghci hwngfat caeuq gij canjnieb youqgaenj vut gungz gunggeng, onjyamq doi- caenh canjnieb oijdangz hwngfat. Bi 2017 ndaem moq mienhcik 67924.868 moux, ciemq 169.81% cungjyinvu, ndawde fanndaem mienhcik 17577.86 moux, lai ndaem mienhcik 50347.007 moux, goekoij gaeuq 9.48 fanh moux, seizneix daengx yienh ndaem oij mienhcik daengz 14.04 fanh moux.

(Yenj Cinbyauh)

●Ndwen 1 ngoenz 26, Loz- cwngz Mulaujcuz Swciyen cungh siuj hagdangz hainduj cuengq gyajseiznit, bouxswnjcienz feihyiz raedceij Mulaujcuz Loz Vazcingh daiq lwgsae de, bae daengz Loz- cwngz Swbaj Cin Siujyinj Cunh, dawz dinfwngz raedceij cienz hawj gyoengq lwgnyez ndaw mbanj, hawj gyoengq lwgnyez angqyangz hainduj gvaq ndwenngoenz gyaj- seiznit. (Gauh Dunghfungh)

●Bi 2017 doxdaeuj, Nazboh Yen gig yawjnaek gaem ndei hong hwnjguh ginghci ndaw ndoeng, aeundaej cingzcik ndei. Ciuq Nazboh Linzyezgiz gyoepsuenq, daengz bi 2017 ndwen 12 daej, aen yienh neix guhsat ginghci ndaw ndoeng mienhcik 98.5 fanh moux, cungjcanjciz 24410 fanh maenz.

(Lij Cwngyen)