Bonjbauq siusik(gicej Cau Dwzfeih) Ndwen 2 ngoenz 3 banhaet, Aen Hoih Hong Daengx Gih Minz- cunghveij Minzyijveij Hidungj youq Namzningz hai, aen hoih cienzlwnh hagsib gvancez gij cingsaenz Cibgouj Daih dangj caeuq gij cingsaenz aen hoih daengx guek minzveij cujyin、aen hoih daengx guek cunghgyau giz- cangj, cungjgez dauqyawj hong minzcuz cunghgyau、 vah saw minzcuz daengx gih bi 2017, yenzgiu anbaiz hong bi 2018. Swcigih Minzcunghveij、Minzyijveij dangjcuj suhgi、cujyin Hoz Cauzgen guh gij baugau guhhong.

Hoz Cauzgen ceijok, bi 2017 daengx gih minzcunghveij、minzyijveij hidungj haeujlaeg hagsib gvancez Siz Ginbingz seizdaih moq Cungguek daegsaek sevei cujyi swhsiengj caeuq gij gezcwz anbaiz hungnaek Cungh- yangh mizgven hong minzcuz cungh- gyau haenx, gaenjndaet hopheux laebdaeb doidoengh gvancez doek- saed gij cingsaenz aen hoih hong minzcuz Cunghyangh caeuq aen hoih hong cunghgyau daengx guek diuz cawjsienq neix, gaem ndei hagsib senhconz gvancez gij cingsaenz Cibgouj Daih dangj, ciuq gij anbaiz guhhong Swcigih Daih Cib’it Baez Dangjdaivei, doed ok cungdenj、yungh diemj daiq mienh, laebdaeb doicaenh hwnjguh diegguhyiengh minzcuz doxgiet cinbu, genhciz gij leixniemh hong cunghgyau “baujhoh、guenjleix、sonyinx、fugsaeh” haenx, mboujduenh daezsang hong minzcuz cunghgyau fapceihvaq suijbingz, henhoh le gij gizmen ndei daengx gih minzcuz doxgiet、cunghgyau huzndei、henz- guek onjmaenh caeuq ndawbiengz onjdingh.

Hoz Cauzgen giengzdiuh, bi 2018 dwg bi hainduj cienzmienh gvancez doeksaed gij cingsaenz Cibgouj Daih dangj, dwg bi ceiq youqgaenj duenh dwkhingz cienz- mienh guhbaenz ndawbiengz siuj- gangh, dwg guek raeuz gaijgwz hailangh 40 hopbi, dwg Guengjsae Bouxcuengh Swcigih laebbaenz 60 hopbi. Aeu yaengx sang mbawgeiz hungmbwk yiengh seveicujyi miz daegsaek Cungguek, nyinhcaen gvan- cez gij cingsaenz Cibgouj Daih dangj, yungh Siz Ginbingz seizdaih moq Cungguek daegsaek sevei cujyi swh- siengj guh sonyinx, gaenjndaet hopheux “haj vih daej ndeu” daengxbuenz baijbouh caeuq “seiq aen cienzmienh” canloz baijbouh, yungh haeujlaeg doeksaed gij cingsaenz aen hoih hong minzcuz Cunghyangh caeuq aen hoih hong cunghgyau daengx guek guh cawj- sienq, caenh’itbouh gyamaenh caeuq hwngfat gij gvanhaeh minzcuz seveicujyi bingzdaengj doxgiet dox- bang huzndei neix, roengzrengz doicaenh hong cunghgyau aeundaej cinbu moq. Yungh yienghsiengq moq hainduj duenh loh moq, yungh dangguh moq raiz seizdaih moq hong minzcuz cunghgyau Guengjsae bien- cieng moq, yungh cingzcik ndei angqcoux gaijgwz hailangh 40 hopbi caeuq swcigih laebbaenz 60 hopbi.

Hoz Cauzgen iugouz, bineix gij yinvu guhhong cujyau couhdwg haeujlaeg hagsib senhconz gvancez gij cingsaenz Cibgouj Daih dangj, caenh’itbouh daezswng cienzmienh daj yiemz guenj dangj suijbingz; doed ok gij yinvu ceiq youqgaenj, haenq- rengz doicaenh hong caepcawq aen hozdung angqhoh swcigih laebbaenz 60 hopbi; geiqmaenh gij cizcwz ceiq youqgaenj, laebdaeb doicaenh hwnj- guh diegguhyiengh minzcuz doxgiet cinbu; haeujlaeg hengzguh hong minzcuz “cibsam haj” gviveh, bang- rengz hwngfat diegcomzyouq minzcuz vunznoix; doidoengh minzcuz vwnzva gyauyuz saehnieb cangqheiq hwngfat, cauhguh aen gyaranz cingsaenz Cunghvaz minzcuz caemh miz; cienz- mienh hengzguh 《Diuzlaeh Hongsaeh Cunghgyau》 coihdingh moq haenx, netsaed haiguh hong cunghgyau; haeujlaeg hagsib gvancez gij cing- saenz aen hoih geiqniemh Gozvuyen baecinj 《Fueng’anq Sawcuengh》caeuq biujcieng senhcin hong vah saw minzcuz vunznoix Guengjsae, onjyamq doicaenh hong saw vah minzcuz vunznoix; laebndei dijci gihci, cuksaed gij giekdaej hong minzcuz cunghgyau; gaenjgaenj hop- heux gij iugouz hingzseiq moq yinvu moq, caenh’itbouh gyagiengz hong minzcuz yenzgiu、sawgaeuq、oksaw、gyauyuz.